Ora guni comentarnu galán la? racané ni congregación stinu (Ro 14:19). Laaca racané ni laanu (Pr 15:23, 28). Nga runi, galán gúninu stipa pur guni comentarnu neca ti biaje lu cada reunión. Dxandíʼ, cadi guiráʼ biaje zudiicabe comentariu laanu, nga runi galán guni prepararnu chupa chonna respuesta.

• Gúninu ni né chupa chonna si diidxaʼ, guiene binni laanu ne cadi guindaa ni. Gúninu ni treinta segundu o menu.

• Gúninu ni casi ora cayuinu diidxaʼ.

• Cadi guni comentarnu ni maʼ biʼniʼ comentar stobi.

• Gudiʼnu respuesta stini né chupa chonna si diidxaʼ.

• Guininu xiixa textu ni cuzeeteʼ de puntu ni cayaca estudiar ca.

• Guininu ximodo zacané ni laanu lu xquendanabáninu.

• Gusiénenu ximodo zanda gúninu ni cá lu información ni cadúʼndanu.

• Guzéʼtenu xiixa experiencia ni cusiene puntu principal ni cayaca estudiar.