¿Xi ribézaluʼ de ti xhamíguluʼ? Ribézaluʼ cadi gucheenebe lii ne gácabe nachaʼhui. Zacá nga Jehová (Éx 34:6; Hch 14:17). Rucaadiágabe lii ora guiníʼneluʼ laabe ne racanebe lii ora caquiiñeluʼ laabe (Sl 18:19, 35). Ne runi perdonarbe lii ora gucheeluʼ (1Jn 1:9). ¡Aque galán pa gaca xhamíguluʼ Jehová!

¿Ximodo zanda gaca xhamíguluʼ Jehová yaʼ? Binibiáʼ laabe ra gúʼndaluʼ Biblia. Gupa confianza laabe (Sl 62:8; 142:2). Bisihuinni rusisácaluʼ guiráʼ ni rusisácabe, casi Xiiñibe, Reinu stibe ne ca promesa stibe. Guniʼné xcaadxi de Jehová (Dt 32:3). Pa gaca xhamíguluʼ Jehová, qué ziuu dxi gusaanabe lii (Sl 73:25, 26, 28).

DESPUÉ DE GÚʼYALUʼ VIDEU NI LÁʼ JOVEN CAʼ: «LAGUDII CUENTA NE LAGUUYAʼ PABIÁʼ NACHAʼHUIʼ JEHOVÁ», ZANDA GUICÁBILUʼ CA PREGUNTA RIʼ:

• ¿Ximodo zanda chuʼluʼ listu para gudiiluʼ lii Jehová?

• ¿Ximodo zanda gacané ca hermanu de congregación lii para gúniluʼ xhiiñaʼ Jehová jma jneza?

• ¿Ximodo racané predicación ca lii guiroobaʼ amistad ni napaneluʼ Jehová?

• ¿Xi zanda ugaandaluʼ pa gúniluʼ jma lu xhiiñaʼ Jehová?

• ¿Xi jma riuuláʼdxiluʼ de Jehová?