MODO RÚNINU XHIIÑAʼ DIOS
Pa guiree ti xcuidihuiiniʼ ora guxhidxinanu ti ra yoo
Pa guiree ti xcuidihuiiniʼ ora guxhidxinanu ti ra yoo la? guinabadiidxanu pa nuu bixhózebe o jñaabe, purtiʼ zacá zusihuínninu runi respetarnu laacaʼ (Pr 6:20). Pa gabi xcuidi ca laanu chuʼnu la? cadi naquiiñeʼ gúninu ni. Ne pa qué zanda guni tender bixhózebe o jñaabe laanu, guibiguétanu sti dxi.
Neca maʼ cadi ti xcuidi laabe, ni jma jneza gúninu nga guinabadiidxanu pa nuu bixhózebe o jñaabe. Pa qué gápacabe tiempu, guinabadiidxanu laabe pa rudiicabe lugar cuibe xi gúʼndabe. Pa nabe ya la? zanda guluinu laabe xiixa publicación o guluinu laabe sitiu jw.org.
Ora guibiguétanu ra nuu ti hombrehuiiniʼ o dxaapahuiiniʼ ni bisihuinni riuulaʼdxiʼ guiziidiʼ, gábinu laabe riuuláʼdxinu gunibiaʼnu bixhózebe o jñaabe. Zacá zusiénenu laacabe xiñee zigánnanu laacabe ne xiñee galán ca conseju ni rudii Biblia para ca familia (Sl 119:86, 138). Pa gusihuínninu nápanu respetu bixhózebe ne jñaabe la? zaníʼcabe galán de laanu ne zanácabe guinínenu tutiica de familia stícabe ora chigucheechenu diidxaʼ sti biaje (1Pe 2:12).