SALMO 119
CA TESORO ZEEDA LU BIBLIA |Sanu lu ley stiʼ Jiobá
Sanu lu ley stiʼ Jiobá, riníʼ ni guiale de laanu gúninu ni gábibe laanu. Ndaaniʼ Biblia zeeda stale ejemplu stiʼ ca xpinni Dios ni bizuubaʼ stiidxaʼ Jiobá ne gúpacaʼ confianza laabe, cásica biʼniʼ salmista riʼ.
Naquiiñeʼ sanu lu ley stiʼ Dios para chuʼnu nayecheʼ
119:1-8
Gupa Josué confianza jneza ni cusiene Jiobá laa guni. Nánnabe para chuʼbe nayecheʼ ne cueendube ni galán lu cani gúnibe, naquiiñeʼ gápabe confianza Jiobá de guidubi ladxidoʼbe.
Racané Stiidxaʼ Dios laanu gácanu nadxibalú para gudxíʼlunu ca guendanagana ridxaagalunu
119:33-40
Guca Jeremías nadxibalú ne gupa confianza Jiobá ora gudiʼdiʼ lu guendanagana. Qué ñápabe stale cosa risaca lu xquendanabánibe ne bíʼnibe ni biʼniʼ mandar Jiobá laabe.
Ora guiziidiʼ chaahuinu ni na Stiidxaʼ Dios racané ni laanu gápanu confianza para guni predicarnu
119:41-48
Qué nidxibi Pablu nucheeche diidxaʼ ra nuu tutiica binni. Gúpabe confianza zacané Jiobá laabe ora gúcabe nadxibalú ne guníʼnebe gobernador Félix.
Paraa naquiiñeʼ gusihuinneʼ jma napaʼ confianza Jiobá para guneʼ predicar.
-
Scuela
-
Dxiiñaʼ
-
Familia
-
Xcaadxi lugar