Riquiiñeʼ Jehová ca hermanu stinu para gacané laanu (1Pe 5:9). Racanécabe laanu para ganda gudxíʼlunu ca guendanagana rápanu ora maʼ cayuni predicarnu. Guzéʼtenu ti ejemplu, stale hermanu casi Áquila, Priscila, Silas ne Timoteo gucanecaʼ apóstol Pablo (Hch 18:1-5).

¿Ximodo zanda gacané xcaadxi publicador lii? Zanda gudiicabe conseju lii para ganda guicábiluʼ xiixa ni guinabadiidxacabe lii lu territorio, para gúniluʼ revisita o para gudiiluʼ estudiu. Guníʼ ique ti hermanu o hermana de congregación ni zanda gacané lii ne gunabaʼ laabe gacanebe lii. Guirópatu zaziiditu ne zaguulisaatu gana (Flp 1:25).

DESPUÉ DE GÚʼYALUʼ VIDEU NI LÁʼ ZIUʼNU NAYECHEʼ RA GÚNINU DISCÍPULO. GUDIʼNU LUGAR GACANÉ JEHOVÁ LAANU: CA HERMANU STINU, ZANDA GUICÁBILUʼ CA PREGUNTA RIʼ:

• ¿Xi biʼniʼ Rita para ñé Coral reunión?

• ¿Xiñee naquiiñeʼ guni invitarnu xcaadxi publicador para chinecaʼ laanu ora gudiʼnu estudiu?

• ¿Xi guyuulaʼdxiʼ Coral de hermana ni maʼ huaniisi que?

• ¿Xi zanda guiziidiluʼ de xcaadxi hermanu pur modo runi predicarcaʼ o rusiidicaʼ?