Cásica qué rusaana ti deportista de guni entrenar para chuʼ cuerpu stiʼ naguidxi ne nadipaʼ, laanu laaca cadi naquiiñeʼ gusaana de guni entrenarnu xquendabiaaninu para guiénenu xii nga ni jneza ne ni cadi jneza (Heb 5:14). Cadi nagana nga gúninu ni cayuni xcaadxi, peru caquiiñeʼ guiníʼ íquenu jneza ne guicaanu decisión stinu. ¿Xiñee yaʼ? Purtiʼ cada tobi de laanu zabidxi Dios cuenta (Ro 14:12).

Cadi guiníʼ íquenu siempre zacaanu decisión jneza purtiʼ si maʼ zinenu stale iza de guyuʼnísanu. Para ganda guicaanu decisión jneza naquiiñeʼ gápanu confianza Jehová, Stiidxaʼ ne organización stiʼ (Jos 1:7, 8; Pr 3:5, 6; Mt 24:45).

DESPUÉ DE GÚʼYALUʼ VIDEU NI LÁʼ «LAGAPA TI CONCIENCIA NAYÁ», ZANDA GUICÁBILUʼ CA PREGUNTA RIʼ:

• ¿Xi decisión naquiiñeʼ guicaa Emma?

• ¿Xiñee cadi galán gudiʼnu opinión stinu ora nuu xiixa tema de conciencia?

• ¿Xi conseju bidii ti guendaxheelaʼ Emma?

• ¿Paraa bidxela Emma información ni caquiiñeʼ?