¡Guizáʼ galán nga maʼ nápanu ti libru nacubi ne ti folletu nacubi para gudiʼnu estudiu binni! Guinábanu Jehová cuʼ ndaayaʼ stipa ni rúninu para gacanenu binni gaca discípulo (Mt 28:18-20; 1Co 3:6-9). ¿Ximodo zanda iquiiñenu ca herramienta nacubi riʼ yaʼ?

Cumu guca libru riʼ para gacané ni laanu gánnanu xi riníʼ ique estudiante stinu, nga runi naquiiñeʼ guchaʼnu modo rusíʼdinu. Naquiiñeʼ gúninu ca cosa riʼ ora gaca prepararnu ne gudiʼnu estudiu: *

• Biindaʼ ca párrafo ca ne guníʼ ique ca pregunta stini.

• Biindaʼ ca textu ni caquiiñeʼ guiuundaʼ ne gucané estudiante stiluʼ guiene xi rusiidiʼ ni laa.

• Biluíʼ laabe ca videu zeeda luni ne biʼniʼ ca pregunta zeeda lu libru ne folletu ca.

• Ora guni estudiartu, biʼniʼ stipa gúʼndatu guidubi ti lección.

Ora guni predicarluʼ, primé biʼniʼ ofrecer folletu ca para gúʼyaluʼ pa napa binni ca interés (biiyaʼ cuadru ni láʼ « Ximodo guni ofrecernu folletu ¡Zanda guibániluʼ nayecheʼ! primé biaje guinínenu binni» ni zeeda lu yaza 16). Pa maʼ biluxe biʼniʼ estudiartu folletu ca ne racalaʼdxiʼ estudiante stiluʼ guiziidiruʼ jma la? bisaanané laabe libru ca ne laguni estudiar de lu lección 4. Pa cayuni estudiárneluʼ tuuxa sti publicación, zanda tíditu lu libru ¡Zanda guibániluʼ nayecheʼ! Maʼ lii cuiluʼ xi lección guzulutu.

DESPUÉ DE GÚʼYALUʼ VIDEU NI LÁʼ ¡CAYÉCHEDU CHIGUNI ESTUDIARLUʼ BIBLIA!, ZANDA GUICÁBILUʼ CA PREGUNTA RIʼ:

• ¿Xi zaziidiʼ ca estudiante ora gúʼndacaʼ libru nacubi riʼ?

• ¿Xiñee naquiiñeʼ guluiʼluʼ videu riʼ ca estudiante nacubi?

• ¿Xi meta zanda quíxheluʼ ca estudiante stiluʼ? (Biiyaʼ recuadru « Ni chiguiziidiluʼ ne ni zanda gúniluʼ lu cada sección» ni zeeda lu yaza 16).