Nagana nga guibani binni lu ca últimu dxi riʼ. Nuu stale guendanagana. Ne cumu mayaca guinitilú guidxilayú riʼ la? ra zidiʼdiʼ dxi jma nagana zabani binni. Ne zándaca dede qué zápanu caadxi cosa (Hab 3:16-18). ¿Xi zacané laanu gápanu confianza Jehová neca huaxiéʼ nápanu bueltu yaʼ? Cadi guiaandaʼ laanu zacanebe laanu. Maʼ biʼniʼ prometer Jehová zapa ca xhamigu ne qué zusaana de gudiibe ni caquiiñecaʼ (Sl 37:18, 19; Heb 13:5, 6).

¿Xi zanda gúniluʼ?

• Gunabaʼ Jehová gacané lii ne gudii lii guendanuuxpiaaniʼ (Sl 62:8).

• Guyuu dispuestu gúniluʼ intiica si dxiiñaʼ gudiicabe lii neca qué huayúniluʼ ni (g-S 1/10 yaza 8, 9, guiropaʼ recuadru).

• Cadi gusaana de gúniluʼ ca cosa ni jma risaca casi gúʼndaluʼ Biblia guiráʼ dxi, cheluʼ reunión ne chiguni predicarluʼ.

DESPUÉ DE GÚʼYALUʼ VIDEU NI LÁʼ GUCUINU TI YOO NI GUNI HUANTAR. GUIÉCHENENU BIAʼ TIICA NÁPANU, ZANDA GUICÁBILUʼ CA PREGUNTA RIʼ:

• ¿Xi guendanagana ridxaagalú ca familia rihuinni lu videu riʼ?

• ¿Xii nga ni jma risaca lu xquendanabáninu?

• ¿Ximodo zanda gacanenu ca ni huaxiéʼ napa bueltu?