Lu sitiu jw.org nuu artículo ne videu ni zucaa binni ni nachaʼhuiʼ ladxidóʼ chuulaʼdxiʼ guiziidiʼ de Dios (Hch 13:48). Nuu de laacani caníʼ de xiixa noticia o de xiixa tema ni nabé riguu xizaa binni.

¿Ximodo zanda iquiiñeluʼ sitiu jw.org para guni predicarluʼ yaʼ?

• Guiráʼ dxi guyuu lu sitiu jw.org. Biiyaʼ ca tema ni zeeda ra ná «Galán gúʼyaluʼ ca ndiʼ» ne guníʼ ique ximodo zanda iquiiñeluʼ ca ni para guni predicarluʼ (para gúʼyaluʼ xcaadxi artículo ni nuu, bidii clic ra ná «Biiyaʼ jma»). Luni zadxélaluʼ stale tema ni zanda iquiiñeluʼ para guni predicarluʼ.

• Biquiiñeʼ ca artículo ne ca videu ni nuu lu sitiu para guzulú guníʼneluʼ binni. Zanda gacané ca ni lii gúʼyaluʼ xi naguu xizaa ca binni ni runi predicarluʼ.

• Biluíʼ binni ni cayuni predicarluʼ ca sitiu jw.org. Guniʼné laabe de ca tema zeeda luni ne biluíʼ laabe ximodo zanda guidxélabe jma información.

• Biseendaʼ ti enlace ra nuu binni ca. Nuu binni qué riná guinínenu laa peru riuuláʼdxicaʼ chuʼcaʼ lu sitiu ni nápanu lu internet. Nga runi galán guseendaluʼ ti enlace stiʼ sitiu jw.org o guseendaluʼ enlace stiʼ xiixa videu o artículo ra nuube.