7-13 de octubre
SALMOS 92-95
Canción 84 ne oración | Ca diidxaʼ guzuluné ni (1 min.)
1. ¡Gástiruʼ sti cosa jma galán que gúninu ni ná Jehová lu xquendanabáninu!
(10 min.)
Runi merecer Jehová guni adorarnu laa (Sl 92:1, 4; w18.04 yaza 26 párr. 5).
Racanebe ca ni runi ni nabe para guicaacaʼ decisión ni guni laacaʼ nayecheʼ (Sl 92:5; w18.11 yaza 20 párr. 8).
Rusisácabe ca xpínnibe neca maʼ nagólacaʼ (Sl 92:12-15; w20.01 yaza 19 párr. 18).
GUNÍʼ IQUE NDIʼ: «¿Xi cucueeza naa para gaca dedicar Jehová ne chuaanisaʼ pue?».
2. Guyúbinu ca perla ni gaʼchiʼ
(10 min.)
-
Sl 92:5. ¿Xiñee biaʼsi peʼ modo rusiene ca diidxaʼ riʼ pabiáʼ nuu xpiaaniʼ Jehová? (cl-S yaza 176 párr. 18).
-
¿Xi perla espiritual bidxélaluʼ biaʼ ra biuundaʼ Biblia semana riʼ?
3. Ra guiuundaʼ Biblia
(4 min.) Ro 1:1-17 (th lección 5).
4. Bizulú guniʼné binni
(4 min.) PREDICACIÓN INFORMAL. Laga caníʼneluʼ binni ca, biyubi ximodo gusiéneluʼ laabe dxiiñaʼ ni rúniluʼ ra rusiidiluʼ de lu Biblia (lmd lección 5 punto 3).
5. Biʼniʼ revisita
(3 min.) PREDICACIÓN INFORMAL. Biʼniʼ ofrecer ti estudiu ti binni ni racalaʼdxiʼ guiziidiʼ peru qué niná ñuundané ca Testigu laa dxiqué (lmd lección 8 punto 4).
6. Biʼniʼ discípulo
(5 min.) Guniʼné tuuxa ni cayuundaneluʼ Biblia peru cadi cayuni progresar (lmd lección 12 punto 5).
Canción 5
7. Laaca runiná ansiedad ca joven
(15 min.) Zanda guicabi ca ni cucaadiaga.
Laaca rapa ca xpinni Jehová ansiedad. Guzéʼtenu ti ejemplu. David la? stale biaje gupa ansiedad ca dxi bibani, ne ca dxi riʼ laaca ngueca nga ni rizaaca stale hermanu (Sl 13:2; 139:23). Triste guininu ni, peru laaca runi sentir ca joven zacá. Ne zándaca pur ansiedad ca maʼ raca nagana para laacabe gúnicabe stale cosa, casi chécabe scuela o ca reunión stinu. Ne riuu biaje pur ansiedad ca nisi ridxibi stúbicabe o dede riníʼ íquecabe guuticabe laca laacabe.
Joven, pa guni sentirluʼ nuuluʼ triste pur nápaluʼ ansiedad la? guniʼné tuuxa de laani, guniʼné bixhózeluʼ, jñaaluʼ o ti xpinni Cristu ni zanda gacané lii. Ne cadi guiaandaʼ lii guinábaluʼ Jehová gacané lii (Flp 4:6). Qué ziuu dxi gusaanabe lii (Sl 94:17-19; Is 41:10). Guidúʼyanu ni bizaaca Steing.
Bitiidiʼ VIDEU ni láʼ Rizaalaʼdxiʼ Jehová naa Despué gunabadiidxaʼ ca ni cucaadiaga:
• ¿Xi textu gucané Steing, ne xiñee?
• ¿Ximodo gupa Jehová laabe?
Laatu, ca ni napa xiiñiʼ, zanda gacanetu ca xiiñitu gudxiilucaʼ ansiedad ni nápacaʼ. Lagucaadiaga laacabe né paciencia, lagusihuinni pabiáʼ nadxiitu laacabe ne lagacané laacabe cadi gusiaandacabe laaca nadxii Jehová laacabe (Tit 2:4; Snt 1:19). Cadi guiaandaʼ laatu, zaguixhedxí Jehová ladxidoʼto ne zudii laatu stipa ni caquiiñetu para gacanetu laacabe, nga runi laguyubi gacané Jehová laatu.
¿Ñee nuu tuuxa ndaaniʼ congregación stiluʼ ni cudxiilú ansiedad la? Zándaca nuu tuuxa peru qué gánnanu ni. Zándaca runibiaʼnu tuuxa ni napa ansiedad, peru raca nagana para laanu guiénenu ximodo cayuni sentirbe. Neca zacá, nuu ti cosa ni zanda gúninu: guni tratarnu laacabe né cariñu para guni sentírcabe nadxiinu laacabe ne racaláʼdxinu chúʼcabe gaxha de laanu (Pr 12:25; Heb 10:24).
8. Reunión ra riuundaʼ Biblia
(30 min.) bt cap. 16 párr. 6-9 ne cuadru ni zeeda lu yaza 132.
