Xii nga ni jma sicarú gusigáʼdetu xiiñitu. Stale cosa nga caquiiñecabe, casi gannaxhiitu laacabe, gusiénetu laacabe ne gápatu laacabe. Peru jma galán gusiiditu laacabe de Jiobá ne cani cá lu Stiidxaʼ ne nga zeeda gácani casi ora nusigáʼdetu laacabe xiixa nabé galán (Juan 17:3). Guiráʼ ni guiziidicabe de Jiobá zacanécani laacabe gannaxhiicabe laabe jma ne gúnicabe ni nabe de guidubi ladxidóʼcabe, neca nahuiinirúcabe (Mateo 21:16).

Huahuinni jma nagueenda riziidiʼ ca baʼduhuiiniʼ ca ora riquiiñeʼ binni chupa chonna si diidxaʼ para gusiidiʼ laacabe ne ora rúnicaʼ xiixa ti cadi guireecabe gana. Nga runi, riéchedu gábidu laatu maʼ guca folletu riʼ: Cani caziideʼ de Biblia. Cadi nagana cani zeeda luni, nga runi zacaneni laatu gusiiditu xiiñitu. Ca dibuju ne ca diidxaʼ zeeda luni párapeʼ cani nahuiiniʼ ni napa biaʼ chonna iza cani. Ne laaca neni caadxi cosa ni zanda guninetu xiiñitu. Ne cadi para quitesícabe ni, sínuque guca ni para gúʼndanetu ni xiiñitu ti guiaacabe güícabe diidxaʼ.

Nanna dxíchidu zacané folletu riʼ laatu para gusiiditu xiiñitu cani zeeda lu Biblia dede nahuiinicaʼ (2 Timoteo 3:14, 15).

Ca bíʼchitu ne bizáʼnatu,

Grupu ni Zaniruʼ stiʼ ca Testigu stiʼ Jiobá