8 NDAA

Ni riníʼ Biblia dxandíʼ raca

Biblia qué  riníʼ si diʼ de ca historia ni dxandíʼ guca dxiqué, sínuque laaca riniʼni xi chigaca lu ca dxi ni zeeda ca. Ca binni de guidxilayú qué zanda guiniʼcaʼ xi chigaca. Nga runi, nánnanu de que Biblia zeeda de Dios. Xi riníʼ Biblia de ca dxi zeeda ca yaʼ.

Caníʼ ni de ti guendarindinde stiʼ Dios. Luni la? Dios zabee guiráʼ guendaquéiquiiñeʼ ne ca binni malu nuu lu Guidxilayú riʼ, peru zulabe cani cayuni ni nabe. Jesucristu, rey ni gulí Dios riʼ nga chiguuya de que guiráʼ xpinni Dios guibánicaʼ nayecheʼ ne guendariuudxi, ne maʼ cadi chuʼ dxi gacahuaracaʼ ne gáticaʼ.

Ñee cadi dxandíʼ nga ziéchenu guni Dios ti paraísu nacubi lu Guidxilayú riʼ la? Peru nápanu xi gúninu xiixa pa racaláʼdxinu guibáninu ndaaniʼ paraísu riʼ. Lu últimu historia stiʼ libru riʼ zazíʼdinu xi naquiiñeʼ gúninu ti ganda guicaanu ca ndaayaʼ ni napa Dios para cani cayuni ni nabe. Nga runi, biindaʼ 8 NDAA riʼ ne biiyaʼ xi riníʼ Biblia de cani chigueeda riʼ.