Noé runi ti arca
Historia 9
Noé runi ti arca
NOÉ gupa ti xheelaʼ ne chonna xiiñiʼ. Ca xiiñibe biree lacaʼ Sem, Cam, ne Jafet. Cada tobi de ca xiiñicabe gupa ti xheelaʼ. Biaʼsi xhono binnilidxi Noé.
Yanna Dios gudxi Noé guni xiixa ni qué huahuinni, gúdxibe laa guni ti arca ngola. Guizáʼ naroʼbaʼ arca que casi ti barcu, peru jma ruluíʼ ni ti caja ngola ne ziuulaʼ. Bíʼnini de chonna pisu, na Dios rabi laabe ne guluu cuartu ndaaniʼ ni. Ca cuartu que guca cani para Noé ne ca binnilidxi, ne ca maniʼ que, ne ca guendaró que para guirácabe.
Dios gúdxibe Noé guzáʼ chaahuiʼ arca que para cadi chuʼ nisa ndaaniʼ ni. Guniʼbe: Chiguseendaʼ ti nisaguié naroʼbaʼ para gunitilú guiráʼ binni riʼ. Tu cadi nuu ndaaniʼ arca ca la? zati.
Noé ne ca xiiñiʼ bizuubacabe stiidxaʼ Dios ne bizulú bíʼnicabe arca que. Peru guiráʼ binni que bixídxisicaʼ ne gúcarucaʼ malu. Guirutiʼ ñuni cré ora Noé gudxi laacabe ni na Dios chiguni.
Yené dxi para guca arca que purtiʼ nabé naroʼbaʼ ni. Gudiʼdiʼ stale iza para biluxe arca que. Yanna Dios gúdxibe Noé uguu guiráʼ maniʼ que ndaaniʼ ni ne uguube chupa de cada maniʼ, ti machu ne xpareja. Peru de xcaadxi maniʼ la? Dios gudxi laabe uguube gadxe. Laaca gúdxibe Noé guedané guiráʼ tipu maniʼ ripapa. Noé biʼniʼ cásipeʼ gudxi Dios laa.
Despué la? Noé ne ca binnilidxi guyuucaʼ ndaaniʼ arca que. Óraque Dios biseeguʼ puertaʼ que, Noé ne ca binnilidxi biaanacaʼ cabézacaʼ ndaaniʼ ni. Guníʼ ique nuuluʼ raqué cabezuʼ. Nouʼ zeeda nisaguié naroʼbaʼ ni guníʼ Dios que la?
