NDAA 2
Cani riguu xizaa laanu: «Ladu tiisi chuu du cabeza ni nagana laadu»
«Gucaʼ divorciar de xheelaʼ despué de veinticinco iza de bichaganadu, ca xiiñeʼ bireecaʼ de ndaaniʼ xquidxi Jiobá ne naa gucaʼ huaraʼyaʼ ne nabé malu guyuaaʼ. Pur guiráʼ nga gupaʼ ti guendahuará láʼ depresión. Bineʼ sentir bilúxeca guidxilayú para naa, maʼ qué lica ñapaʼ gana ñuneʼ xiixa. Despué maʼ qué ñaaʼ guendaridagulisaa ne maʼ qué nucheecheʼ diidxaʼ.» (June)
GUIRÁʼ binni riuu xizaa, dede né ca xpinni Dios. Sicaríʼ bicaa ti salmista: «Guyuaaʼ xizaa pur guiráʼ ca guendanagana stinneʼ» (Salmo 94:19). Ne maca guníʼ Jesús lu ca últimu dxi riʼ cadi casi zeʼ diʼ binni zanda guni ni na Jiobá pur guiráʼ «ni ricá ique» (Lucas 21:34). Ñee riuuluʼ xizaa pur qué gápaluʼ bueltu, napa binnilídxiluʼ guendanagana o pur xiixa guendahuará la? Ximodo zanda gacané Jiobá lii.
«Dios cayuni irá ni ne enda nandxóʼ stiʼ»
Caquiiñenu tu gacané laanu ti ganda gudxíʼlunu cani riguu xizaa laanu. Apóstol Pablu guníʼ: «Ladu tiisi chuu du cabeza ni nagana laadu, [...] huayuniná cabe laadu dede ruluíʼ ma qué zanda guiasa du». Neca zacá, ruluíʼ Dios «laadu modo iréʼ du de laani» ti cadi guireʼdu gana ne randa «riasa du runi seguir du». Xi racané laanu guni huantarnu yaʼ. Rudii Dios laanu «enda nandxóʼ stiʼ», laani nga poder stiʼ Jiobá, Dios ni jma nandxóʼ (2 Corintios 4:7-9).
Guníʼ ique ximodo bidii Dios lii «enda nandxóʼ stiʼ» dxiqué. Ñee rietenaláʼdxiluʼ ximodo bisihuinni Jiobá nadxii lii ora bicaadiágaluʼ xiixa libana la? Cadi dxandíʼ biguidxi fe stiluʼ ora bisiidiluʼ sti binni maʼ guníʼ Dios chigaca ti paraísu lu Guidxilayú la? Ora chuunu reunión ne gucheechenu diidxaʼ racané cani laanu gudxíʼlunu cani riguu xizaa laanu ne racané cani laanu gatadxí ladxidoʼno ne chuʼnu nayecheʼ ora gúninu ni na Jiobá.
«Lagudii cuenta ne laguuyaʼ pabiáʼ nachaʼhuiʼ Jiobá»
Dxandíʼ, Jiobá racalaʼdxiʼ guyúbinu primeru Reinu stiʼ ne cadi gusaananu de gúninu xhiiñaʼ (Mateo 6:33; Lucas 13:24). Zándaca pur xiixa guendahuará, pur guendanagana gúpaluʼ ndaaniʼ familia stiluʼ o pur rucaalú binnilídxiluʼ o ca xhamíguluʼ lii bireeluʼ gana. O pur dxiiñaʼ stiluʼ maʼ qué randa rieluʼ guendaridagulisaa. Cumu stale cosa nga ni naquiiñeʼ gúniluʼ ne huaxiéʼ tiempu ne stipa nápaluʼ para gúniluʼ cani la? nabé bidxágaluʼ. Ne dede zándaca guiníʼ íqueluʼ nabé stale nga ni rinabaʼ Jiobá lii guʼnuʼ.
Nanna Jiobá xi runi sentirluʼ ne qué zanábabe lii ni qué zanda gudiiluʼ laabe. Nánnabe caquiiñenu tiempu para gusiáʼndanu guiráʼ ni nabé riguu xizaa o cani huayuniná laanu (Salmo 103:13, 14).
Guníʼ ique ximodo gupa Jiobá Elías. Guyuu ti tiempu nabé biree profeta riʼ gana ne nabé bidxibi, ngue runi bicaachilú lu desiertu. Xi biʼniʼ Jiobá ora biʼyaʼ ni cayácabe que yaʼ. Ñee gudindené laabe ne gudxi laabe gúnibe xhiiñabe sti biaje la? Coʼ. Chupa biaje biseendaʼ Jiobá ti ángel stiʼ para gucuaaniʼ laabe chaahuidugá ne gudii ni gobe. Neca maʼ gucané Dios Elías, gudiʼdiʼ cuarenta dxi nuurube zaqué. Xiruʼ biʼniʼ Jiobá para gucané laabe yaʼ. Gucanebe Elías gudii cuenta zanda gápabe laa. Despué gudixhedxibe ladxidóʼ né diidxaʼ nadóʼ. Ne laaca gúdxibe laa cadi stubi si nuu, sínuque laaca nuuruʼ mil binni ni cayuni adorar laabe. Ni biʼniʼ Jiobá riʼ gucaneni profeta Elías chuʼ nayecheʼ sti biaje ora maʼ cayuni xhiiñaʼ (1 Reyes 19:1-19). Bidiiluʼ cuenta xi biʼniʼ Jiobá la? Dxi jmapeʼ cayuniná ca guendanagana que Elías, gúpabe paciencia laa ne gúcabe nachaʼhuiʼ né laa. Qué huachaa diʼ Jiobá modo laa. Laaca nabé rizaaláʼdxibe lii cásica bíʼnibe né profeta riʼ.
Cadi guchaagaluʼ ni bidiiluʼ Jiobá dxiqué ne ni zanda gudiiluʼ laabe yanna; naquiiñeʼ gánnaluʼ nuu cosa maʼ qué zanda gúniluʼ. Ora tiidiʼ stale beeu o iza de qué guni entrenar ti binni riguite carrera la? cadi casi zeʼ zuxooñeʼ biaʼca biʼniʼ ni ante. Para ganda gápabe stipa ne guni huantarbe guxooñebe sti biaje la? naquiiñeʼ gúnibe ni chaahuiʼ chaahuiʼ. Zanda guininu zeeda gaca ca xpinni Cristu casi ti binni ni riguite carrera: naquiiñeʼ guni entrenarnu para ugaandanu xiixa (1 Corintios 9:24-27). Ñee huaguixhe íqueluʼ ugaandaluʼ xiixa la? Casi cheluʼ ti guendaridagulisaa. Gunabaʼ Jiobá gacané lii ugaandaluʼ ni. Ora maʼ ziyápaluʼ stipa, chaahuidugá zuuyaluʼ «pabiáʼ nachaʼhuiʼ Jiobá» (Salmo 34:8). Ne gunna intiica cosa gúniluʼ para gusihuínniluʼ nadxiiluʼ Dios, neca cadi naroʼbaʼ ni, nabé risaca ni para laabe (Lucas 21:1-4).
Qué rinabaʼ Jiobá laanu ni qué zanda gudiʼnu laa
«Nguepeʼ nga ni caquiiñeʼ»
Ximodo bidii Jiobá stipa June, xpinni Cristu bizéʼtenu ra bizulú tema riʼ yaʼ. Laabe guniʼbe: «Qué nusaanaʼ de ñuneʼ orar Jiobá ne guinabaʼ laa gacané naa. Ti dxi gudxi xuaalidxeʼ naa chigaca ti asamblea ndaaniʼ guidxi ra nabezaʼ, ngue runi gudixheʼ iqueʼ chaaʼ ti dxi. ¡Nabé sicarú bineʼ sentir chuaaʼ ndaaniʼ xquidxi Jiobá sti biaje! Guizáʼ gucané asamblea que naa, ne nguepeʼ nga ni caquiiñeʼ. Yanna maʼ cayuneʼ ni na Jiobá sti biaje ne jma nayecheʼ nuaaʼ. Biziideʼ cadi naquiiñeʼ guixeleʼ de ca xpinni Cristu ne caquiiñeʼ gacanécabe naa. Nabé riecheʼ purtiʼ bibiguetaʼ laga zándaruʼ guneʼ ni».
Laaca zándaca ziuuláʼdxiluʼ ca ndiʼ
TORRE STI' NI RAPA (REVISTA DE ESTUDIU)
Bidxiña jma gaxha de Jiobá
Lu tema riʼ zazíʼdinu ximodo jma jneza iquiiñenu computadora, xiñee naquiiñeʼ chuʼnu cuidadu ora maʼ cuyúbinu xi gúninu para chuʼnu nazaaca, laaca zazíʼdinu xi zanda gúninu para cadi gudiʼnu lugar quite bueltu laanu ne cadi gudxíʼbanu laca laanu.
