Ñee gatigá rietenaláʼdxiluʼ ca dxi nabé galán biʼniʼ sentirluʼ lade ca xpinni Jiobá la? Zándaca nabé riniʼluʼ de ti guendaridagulisaa ni guluu gana lii, ti asamblea ni qué huayuu dxi gusiaandaluʼ, ti experiencia nabé galán gúpaluʼ ora yegucheecheluʼ diidxaʼ o pabiáʼ galán biʼniʼ sentirluʼ ora byuíʼneluʼ ti xpinni Cristu diidxaʼ... Nga rusihuinni caʼruʼ gusiaandaluʼ Jiobá. Laaca caʼruʼ gusiaandabe lii ne rietenaláʼdxibe guiráʼ ni bíʼniluʼ lu xhiiñabe. Nga runi, racaláʼdxibe gacanebe lii guibiguétaluʼ ndaaniʼ xquídxibe.

Jiobá maʼ guníʼ: «Naapiaʼ ziyubeʼ ca dendxuʼ stinneʼ ne zapaʼ laacame. Zapaʼ laacame ne zuyaanaʼ laacame casi runi ti pastor despué de gucaalisaa ca dendxuʼ stiʼ ni reechendase. Zicaaʼ laacame ra reechendásecame» (Ezequiel 34:11, 12).