Jiobá bizáʼ Adán ne Eva para guibánicaʼ ndaaniʼ ti Paraísu sin qué chuʼ dxi gáticaʼ. Binidxabaʼ guníʼ mal de lá Jiobá ne casi ora niniʼbe qué ganna Dios guni mandar. Adán ne Eva bidaagucaʼ Binidxabaʼ para gucaalucaʼ Dios, pur nga biaananenu donda ne rátinu

Guníʼ Dios xi zazaacacabe ne bizeeteʼ zunitilú ti binni ni gueeda de ti gunaa Binidxabaʼ ne binni ca zuxhiá guiráʼ ca cosa ni huazaaca pur qué nuzuubacabe diidxaʼ ne pur donda stícabe

Dios gudxi Abrahán ne David de laacaʼ nga gueeda ni za de gunaa que, Mesías ni qué zusaana de guni mandar

Jiobá biquiiñeʼ ca profeta stiʼ para guiniʼcaʼ zabee Mesías que donda ne guendaguti ne zácabe Rey lu Reinu stiʼ Dios. Rey ca zuni mandarné ti grupu de binni laa ne zabeecabe guendaridinde, guendahuará ne guendaguti

Jiobá bisihuinni Jesús nga Mesías que. Biseendabe laa lu Guidxilayú riʼ para guiníʼ de Reinu stiʼ Dios ne para gati pur binni guidxilayú. Gútisibe, gundisaʼ Jiobá laabe casi ti binni de espíritu

Dios biʼniʼ Cristu Rey guibáʼ, ne bizulú ca últimu dxi stiʼ ca cosa malu riʼ. Jesús ruuyaʼ modo rireeche stiidxaʼ Reinu stiʼ Dios lu guidubi naca Guidxilayú

Jiobá zabi Xiiñiʼ guzulú guni mandar lu Guidxilayú. Reinu riʼ zunitilú guiráʼ ca gobiernu nuu lu guidxilayú riʼ, zudxiguétabe Paraísu que ne cani guzuubaʼ stiidxaʼ Dios zúnibe laacaʼ binni sin donda. Maʼ guirutiʼ tu zucaalú derechu ni napa Jiobá de guni mandar ne ziá lá ne maʼ qué ziuu dxi guiaana de guisaca ni