BIZULÚ GUNIʼNÉ BINNI
LECCIÓN 5
Biyubi modo guiniʼluʼ
Principiu stiʼ Biblia: «Siempre laguiníʼ diidxaʼ ni guiaba binni» (Col. 4:6).
Ni biʼniʼ Pablo
1. Biiyaʼ VIDEU RIʼ o biindaʼ Hechos 17:22, 23. Despué guníʼ ique ni ná ca pregunta riʼ:
-
¿Ximodo biʼniʼ sentir Pablo ora biʼyaʼ nuu stale bidóʼ ndaaniʼ guidxi Atenas? (Biiyaʼ ni ná Hechos 17:16).
-
¿Ximodo guniʼné Pablo ca binni de Atenas ora biʼniʼ predicarbe laacaʼ?
¿Xi rusiidiʼ ejemplu stiʼ Pablo laanu?
2. Zándaca jma zucaadiaga binni laanu pa guiníʼ ique chaahuinu xi chiguininu, ximodo chiguininu ne pora chiguininu ni.
Yenanda ejemplu stiʼ Pablo
3. Guníʼ ique xi diidxaʼ chiguiniʼluʼ. Pa guiníʼneluʼ ti binni ni qué lica runi cré o qué ganna gastiʼ de Cristu, biyubi sti modo guiniʼluʼ de Biblia o de Jesús.
4. Cadi nagueendaca gábiluʼ binni cadi jneza ni caníʼ. Bidii lugar guiniʼbe. Ne pa guiniʼbe xiixa gadxé peʼ de ni rusiidiʼ Biblia, cadi gábiluʼ laabe cadi jneza ni caniʼbe (Sant. 1:19). Pa gucaadiaga chaahuiluʼ laabe, zánnaluʼ xi runi crebe ne xiñee runi crebe ni (Prov. 20:5).
5. Ora gúʼyaluʼ zanda la? gudxi laabe nápabe razón ne biʼniʼ felicitar laabe. Cadi guiaandaʼ lii, nuu binni riníʼ ique ni runi cré nga ni jma jneza. Primé la? guniʼné laabe de xiixa ni chuulaʼdxiʼ guirópatu, ne despué chaahuiʼ chaahuiʼ gucané laabe guiénebe ni rusiidiʼ Biblia.
LAACA ZANDA GÚʼNDALUʼ
Prov. 25:15; 2 Tim. 2:23-26; 1 Ped. 3:15
