Guníʼ ique xiñee chiguundaluʼ ti textu. Ante gúʼndaluʼ ni, guníʼ xiixa ni gacané cani cucaadiaga lii gúʼyacaʼ xi idea nga nuuluʼ gusihuínniluʼ dxandíʼ risaca.

Bisihuinni napa Biblia autoridad. Ora guiníʼneluʼ binni ni runi cré Dios, bisihuinni Biblia nga «Stiidxaʼ Dios», zacá zudii binni cuenta de Dios nga zeeda guiráʼ ni rusiidiʼ ni.

Bicuaaniʼ interés stiʼ cani cucaadiaga lii pur ti textu zeeda lu Biblia. Biʼniʼ ti pregunta ni guicabi textu ca, bizeeteʼ ti guendanagana ni zanda guni chaahuiʼ textu ca o guníʼ ti principiu zeeda lu Biblia ni cusiidiʼ relatu ca.