Ra ruzulú sección 8
Guluu Jiobá ndaayaʼ Salomón ra bidii laabe stale guendabiaaniʼ ne ra bidii laabe ti dxiiñaʼ nabé risaca, gucuibe templu que. Peru chaahuiʼ chaahuiʼ bixélebe de Dios. Pa nápaluʼ xiiñiluʼ, bisiene laacabe ximodo bixheleʼ ca binni biʼniʼ adorar dios falsu que Salomón de guni ni ná Jiobá. Ra gulaa reinu que, caadxi de ca rey que gúcacaʼ malu ne bicaacaʼ guidxi que guixélecaʼ de Jiobá ne guni adorarcaʼ dios falsu. Laaca tiempu queca, guzanándacabe ne biiticabe stale de ca profeta stiʼ Jiobá. Jmaruʼ si stale de ca israelita ni guyuu lu reinu de ladu guiaʼ, biʼniʼ adorarcaʼ dios falsu runi reina Jezabel. Guca ni ti tiempu nabé nagana para guidxi Israel. Neca zaqué guyuu israelita ni bizuubaʼ stiidxaʼ Jiobá, casi rey Jehosafat ne profeta Elías.
LU NDAA RIʼ
LECCIÓN 44
Ti templu para Jiobá
Guyuulaʼdxiʼ Jiobá ni gunabaʼ Salomón laa, ne gudxi laabe xi caquiiñeʼ gúnibe.
LECCIÓN 49
Guca castigar ti reina guizáʼ mala
Biyubi Jezabel modo guuti ti israelita láʼ Nabot para guiaanané layú stibe. Peru biiyaʼ Jiobá ni bíʼnibe.
LECCIÓN 50
Bilá Jiobá Jehosafat de ca enemigu stiʼ
Biʼniʼ orar rey Jehosafat para guinabaʼ gacané Dios laa ora gucaalú ca enemigu stiʼ Judá.