Ra ruzulú sección 9
Lu sección riʼ zazíʼdinu de xcuidi, profeta ne rey ni bisihuínnicaʼ guizáʼ naroʼbaʼ fe gúpacaʼ Jiobá. Ndaaniʼ guidxi Siria guyuu ti dxaapahuiiniʼ ni biʼniʼ cré zusianda profeta stiʼ Jiobá Naamán. Gupa profeta Eliseo confianza zulá Jiobá laa de ti ejércitu enemigu. Guluu sumo sacerdote Jehoiadá xquendanabani ra naxoo para gulá ti baʼduhuiiniʼ ni láʼ Jehoás de lu náʼ jñaabiidaʼ, ti gunaa guizáʼ mala ni láʼ Atalía. Gupa rey Ezequías confianza zulá Jiobá Jerusalén ne qué ñaca rendirbe ora bicaalú ca asiriu que Jerusalén. Bicueeza rey Josías de ñuni adorar binni ca dios falsu ni nuu ndaaniʼ guidxi que, biʼniʼ chaahuibe templu que ne gucanebe guidxi que guni adorarcaʼ Jiobá sti biaje.
LU NDAA RIʼ
LECCIÓN 51
Jefe stiʼ ti ejércitu ne ti dxaapahuiiniʼ
Caniʼné ti dxaapahuiiniʼ israelita gunaa ra rúnibe dxiiñaʼ de pabiáʼ poder napa Jiobá. Pur ndiʼ gunda guca ti milagru.
LECCIÓN 52
Ejércitu naze bele stiʼ Jiobá
¿Ximodo bidii hombre ni racané Eliseo que cuenta jma stale tu nuuné laacabe que cani nuuné ca enemigu stícabe?
LECCIÓN 53
Guca Jehoiadá nadxibalú
Ti sacerdote ruzuubaʼ diidxaʼ rucaalú ti reina guizáʼ qué iquiiñe.
LECCIÓN 54
Gupa Jiobá paciencia Jonás
¿Xiñee gubi ti benda ngola profeta stiʼ Dios? ¿Ximodo bilá Jonás? ¿Xi bisiidiʼ Jiobá laabe?
LECCIÓN 55
Bilá ángel stiʼ Jiobá Ezequías
Ca enemigu stiʼ Judá guniʼcaʼ qué zanda gulá Jiobá xquidxi, peru bilá Jiobá xquidxi.
LECCIÓN 56
Gunnaxhii Josías Ley stiʼ Dios
Xhono iza napa Josías dxi bizulú biʼniʼ mandar ndaaniʼ guidxi Judá ne gucanebe guidxi que para guni adorarcaʼ Jiobá sti biaje.