ESCUELA PARA EVANGELIZADORES DEL REINO. Guiráʼ ca precursor ni napa 23 hasta 65 iza ni racalaʼdxiʼ guni jma lu xhiiñaʼ Dios la? cayaca invitarcaʼ para checaʼ reunión riʼ, zaca ni domingu huadxí. Zaníʼcabe pora ne paraa chigaca ni de lu plataforma.

SERVICIU DE BETEL. Ca publicador ni maʼ guyuunisa ni napa hasta 35 iza ne rápacaʼ gana chigúnicaʼ dxiiñaʼ Betel la? zanda checaʼ reunión riʼ, zaca ni viernes huadxí. Zaníʼcabe pora ne paraa chigaca ni de lu plataforma.

ACOMODADOR. Nuu ca acomodador riʼ para gacanecaʼ lii. Ora gábicabe lii paraa zanda guzuhuaaluʼ carru stiluʼ, pa neza naquiiñeʼ saluʼ ndaaniʼ ca pasillu, ximodo cueeluʼ lugar ne xcaadxi cosa la? galán guzuubaluʼ stiidxacabe.

BANGUʼ. Rinábadu lii guni respetarluʼ xcaadxi binni. Bietenalaʼdxiʼ zanda guni apartarluʼ banguʼ para familia si stiluʼ, para cani chineluʼ ndaaniʼ carru, para cani nabeza ra liʼdxuʼ ne para ca binni ni rudiiluʼ estudiu. Cadi guni apartarluʼ o quíxheluʼ xiixa lu banguʼ ni qué zaquiiñeluʼ.

BAUTISMO. Pa qué guiníʼcabe sti cosa la? zaca apartar ca banguʼ ni nuu frente de plataforma para si cani chichuunisa. Naquiiñeʼ cuiʼ cani chichuunisa lu ca banguʼ riʼ ante guzulú discursu ni chitiidiʼ para laacaʼ sábadu siadóʼ. Naquiiñeʼ guedané guirácabe ti toalla ne ti traje de bañu ni gusihuinni xpinni Cristu laacabe.

DONACIÓN. Raca stale gastu para guidxela banguʼ galán, equipu de sonidu ne de videu, ne para chuʼ xcaadxi serviciu ni gudii lugar laanu guni disfrutarnu de asamblea stinu ne ganda guidxíñanu jma gaxha de Jiobá. Racané ca donación stiluʼ para guiaxa ca gastu riʼ ne para iquiiñeʼ ni lu obra mundial. Para ganda gusábaluʼ donación stiluʼ la? ndaaniʼ guidubi local de asamblea riʼ nuu caja ni napa letreru de donación. Risaca guiráʼ donación ni rúnitu. Racalaʼdxiʼ Grupu ni Zaniruʼ gudii xquíxepeʼ lii pur ca donación ni rudiiluʼ para gacaneluʼ guidale guiráʼ ni napa Reinu.

OBJETOS PERDIDOS. Pa bidxélaluʼ xiixa la? yesaanaʼ ni ra Departamento de Objetos Perdidos. Pa binitiluʼ xiixa la? guyé ra departamentu riʼ para guyúbiluʼ ni. Laaca naquiiñeʼ chinécabe ca baʼduhuiiniʼ ni cananiti ra departamentu riʼ. Peru cadi guiaandaʼ ndiʼ laatu: cadi nuu diʼ departamentu riʼ para gapa xcuidi. Rinábadu lii gúʼyaluʼ ca xiiñiluʼ guiráʼ hora ne cadi gudiiluʼ lugar guixélecabe de lii.

PRIMEROS AUXILIOS. Naquiiñeʼ gannuʼ nuu departamentu riʼ para EMERGENCIA SI.

SERVICIO VOLUNTARIO. Pa racaláʼdxiluʼ gacaneluʼ lu ca dxiiñaʼ raca lú asamblea riʼ la? guyé ra Departamento de Información y Servicio Voluntario.