LECCIÓN 21
¿Ximodo cayaca predicar ca noticia galán?
Maʼ cadi candaa, zaquiiñeʼ Jehová Reinu stiʼ para cuee guiráʼ guendanagana ni napa binni. Nga runi, ¡caquiiñeʼ ganna binni noticia galán riʼ! Biʼniʼ mandar Jesús ca xpinni chitídxicaʼ noticia galán riʼ binni de guiráʼ guidxi (Mateo 28:19, 20). ¿Xi huayuni ca testigu stiʼ Jehová para cadi gusaana de chinándacaʼ mandatu bisaana Jesús riʼ yaʼ?
1. ¿Ximodo cayaca cumplir ni ná Mateo 24:14?
Jesús guníʼ: «Zaca predicar ca noticia galán stiʼ Reinu lu guidubi guidxilayú» (Mateo 24:14). Nabé riuulaʼdxiʼ ca testigu stiʼ Jehová gúnicaʼ dxiiñaʼ risaca bisaana Jesús riʼ. Raca predicar ca noticia galán riʼ lu guidubi Guidxilayú lu jma de 1,000 idioma. Cumu ti dxiiñaʼ guizáʼ naroʼbaʼ ni la? caquiiñeʼ stale stipa ne gaca organizar chaahuiʼ ni para ganda gaca ni. Nánnadu qué ñanda ñaca dxiiñaʼ riʼ pa qué ñacané Jehová laadu.
2. ¿Xi rúnidu para ganda guni predicardu binni?
Runi predicardu ra tiica si nuu binni. Ne casi biʼniʼ ca xpinni Cristu de primé siglu que, rúnidu ni de «yoo pur yoo» (Hechos 5:42). Cumu nexheʼ chaahuiʼ modo raca dxiiñaʼ riʼ la? randa runi predicardu millón de binni guiráʼ iza. Peru cumu nuu binni qué ridxéladu laa ra lidxi la? laaca runi predicardu ca lugar ra nuu stale binni. Qué rusaana de guyúbidu modo guinínedu xcaadxi binni de Jehová ne de ni chiguni.
3. ¿Tuu nga ca ni naquiiñeʼ guni predicar ca noticia galán?
Guiráʼ ca ni dxandíʼ xpinni Cristu naquiiñeʼ guni predicar ca noticia galán riʼ. Nabé risaca dxiiñaʼ riʼ para laadu. Runi predicardu biaʼ gándatiʼ, purtiʼ pa gúnidu ni, zanda guilá stale binni (biindaʼ 1 Timoteo 4:16). Guirutiʼ riguixe laadu para gúnidu dxiiñaʼ riʼ, purtiʼ Biblia ná: «Gucuaatu gratis, lagudii gratis» (Mateo 10:7, 8). Runi predicardu neca qué naʼ binni gucaadiaga laadu, purtiʼ riuuláʼdxidu guzúʼbadu stiidxaʼ Jehová ne gusiéchedu laa.
GUIZÍʼDIRUNU JMA
Guidúʼyanu xi guiráʼ rúnidu, ca testigu stiʼ Jehová, para guni predicardu lu guidubi Guidxilayú ne ximodo racané Jehová laadu.
Runi predicardu lu guidubi Guidxilayú: (A) Costa Rica; (B) Estados Unidos; (C) Benín; (D) Tailandia; (E) Yap (Micronesia); (F) Suecia.
4. Rúnidu stipa guni predicardu guiráʼ binni
Laadu, ca testigu stiʼ Jehová, rúnidu stipa para guni predicardu guiráʼ binni ca noticia galán ra tiica nuucaʼ. Laguuyaʼ VIDEU riʼ ne laiquiiñeʼ pregunta riʼ para güitu diidxaʼ:
-
Lade guiráʼ ni runi ca testigu stiʼ Jehová para guni predicarcaʼ, ¿gunáʼ ni jma riuuláʼdxiluʼ?
Laguundaʼ Mateo 22:39 ne Romanos 10:13-15, ne laiquiiñeʼ ca pregunta riʼ para güitu diidxaʼ:
-
Ora runi predicardu, ¿ximodo rusihuínnidu nadxiidu binni?
-
¿Ximodo ruuyaʼ Jehová ca ni runi predicar ca noticia galán? (Laguuyaʼ versículo 15).
5. Cayacanedu Dios
Nuu stale cosa ni rusihuinni cayuuyaʼ Jehová modo cayaca predicar. Guidúʼyanu ni bizaaca Nueva Zelanda. Ti dxi biree Paul, ti testigu stiʼ Jehová, ziguni predicar de yoo pur yoo ne bidxélabe ti señora. Señora que ná siadóʼ que biʼniʼ orar Dios, guniʼbe lá, Jehová, ne gunábabe Dios gacané tuuxa laabe gunibiaʼbe laa. Qué nindaa, gudiʼdiʼ si chonna hora, yeguxhidxináʼ Paul ra lídxibe.
Laguundaʼ 1 Corintios 3:9 ne laiquiiñeʼ pregunta riʼ para güitu diidxaʼ:
-
¿Ximodo rusihuinni ni bizaaca riʼ cayuuyaʼ Jehová modo cayaca predicar?
Laguundaʼ Hechos 1:8 ne laiquiiñeʼ pregunta riʼ para güitu diidxaʼ:
-
¿Xiñee caquiiñeʼ gacané Jehová laadu para ganda guni predicardu?
¿Ñee nannuʼ ndiʼ la?
Lu reunión ni rápadu ndaaniʼ semana, rusiidicabe laadu modo guni predicardu. Pa maʼ guyeluʼ tobi de ca reunión riʼ, ¿ximodo ruuyaluʼ modo rusiidicabe laadu guni predicardu?
6. Runi predicardu purtiʼ nga nga ni canabaʼ Dios gúnidu
Lu primé siglu que, gucalaʼdxiʼ ca enemigu stiʼ ca xpinni Cristu nucueeza laacabe de ñuni predicárcabe. Peru ca primé xpinni Cristu que biʼniʼ defendercaʼ ne biʼniʼ legalizarcaʼ «dxiiñaʼ ni cayaca para gaca predicar ca noticia galán» (Filipenses 1:7). Yanna riʼ, laaca ngaca runi ca testigu stiʼ Jehová. a
Laguundaʼ Hechos 5:27-42 ne laiquiiñeʼ pregunta riʼ para güitu diidxaʼ:
-
¿Xiñee guirutiʼ zucueeza laadu de guni predicardu? (Laguuyaʼ versículo 29, 38 ne 39).
NUU TU RINABADIIDXAʼ: «¿Xiñee riguni predicar ca testigu stiʼ Jehová de yoo pur yoo?».
-
¿Xi nicábiluʼ yaʼ?
XI BIZÍʼDINU
Biʼniʼ mandar Jesús ca xpinni guni predicarcaʼ ca noticia galán binni de guiráʼ guidxi. Cayacané Jehová xquidxi para ganda gúnicaʼ dxiiñaʼ riʼ.
Xi biziidiluʼ
-
¿Ximodo cayaca predicar ca noticia galán lu guidubi Guidxilayú?
-
¿Ximodo rusihuínnidu nadxiidu binni ora runi predicardu?
-
¿Ñee rábiluʼ zanda chuʼdu nayecheʼ ora runi predicardu la? ¿Xiñee riníʼ íqueluʼ zacá yaʼ?
BIIYAʼ XIRUʼ ZANDA GUIZIIDILUʼ
Biiyaʼ ximodo runi predicar ca testigu stiʼ Jehová ndaaniʼ ca guidxi naroʼbaʼ.
¿Ximodo cayacané ca testigu stiʼ Jehová ca binni ni cuxooñelú de xquidxi?
Cayacanedu ca binni ni cuxooñelú de xquidxi gunibiaʼcaʼ Dios (5:59)
Biiyaʼ xiñee nayecheʼ nuu ti gunaa ni gudixhe ique guni predicar guidubi xquendanabani.
Biiyaʼ ximodo huayuni ganar ca testigu stiʼ Jehová stale juiciu para ganda guni predicarcaʼ ca noticia galán.
«Rié cani rucheeche stiidxaʼ Reinu nezalú justicia» (Maʼ cayuni mandar Reinu stiʼ Dios, capítulo 13)
a Dios nga cayabi laadu guni predicardu. Nga runi, laadu, ca testigu stiʼ Jehová, cadi caquiiñedu permisu stiʼ ca gobiernu para guni predicardu ca noticia galán.
Laaca zándaca ziuuláʼdxiluʼ ca ndiʼ
CANI NABÉ RINABADIIDXAʼ BINNI
¿Ximodo runi estudiarné ca testigu stiʼ Jehová binni Biblia?
Zanda gacané ca testigu sti’ Jehová lii guiénelu’ Biblia jma nagueenda ne zanda iquiiñelu’ Biblia ni jma riuulá’dxilu’. Laaca zanda guni invitarlu’ familia stilu’ o tuuxa xhamígulu’.
