LECCIÓN 48
Gulí chaahuiʼ tu gaca xhamíguluʼ
Ca binni ni dxandíʼ naca xhamígunu racanecaʼ laanu chuʼnu nayecheʼ ne qué rusaanacaʼ laanu ora cadídinu lu xiixa guendanagana. Peru gupa cuidadu, purtiʼ Biblia ná cadi guiráʼ diʼ tu laa naca ti buen amigu. Nga runi, lu lección riʼ zaziidiluʼ ximodo zanda cuí chaahuiluʼ tu gaca xhamíguluʼ.
1. ¿Xi zanda gucaa ca xhamíguluʼ lii gúniluʼ?
Stale biaje reeda gácanu casi ca binni ni nabé ridxaaganu. Zanda gucaacabe laanu gúninu ni jneza o gúninu ni cadi jneza. Ne zanda guizaaca ndiʼ pa nabé ridxaaganu laacabe o pa nabé rinínenu laacabe lu ca red social. Biblia ná: «Tu canazané binni nuu xpiaaniʼ la? zaca binni nuu xpiaaniʼ, peru tu ridxaaga binni huati [o binni ni cadi nadxii Jehová] la? qué zié ni laa jneza» (Proverbios 13:20). Nga runi, pa nadxii ca xhamíguluʼ Jehová ne runi adorarcaʼ laabe la? zanda gacanécabe lii chuʼluʼ jma gaxha de laabe ne guicaaluʼ decisión jneza. Peru pa nabé ridxaagaluʼ binni ni cadi nadxii Jehová la? zanda guxhélecabe lii de laabe. Nga runi, Biblia cayabi laanu cuí chaahuinu tu gaca xhamígunu. Ora nadxii ca xhamígunu Dios la? zanda gacanécabe laanu ne gacanenu laacabe. Pa zacá ni la? galán chinándanu conseju riʼ: «Lauguusaa gana laatu ne lagacanesaa» (1 Tesalonicenses 5:11).
2. ¿Ñee risaca para Jehová tu cuiluʼ gaca xhamíguluʼ la?
Ribí chaahuiʼ Jehová tu gaca xhamigu. Ne Biblia peʼ cayabi laanu «raca xhamígube ca ni runi ni jneza» (Proverbios 3:32). Yanna, ¿ximodo runi sentir Jehová pa nabé ridxaaganu tuuxa ni cadi nadxii laabe yaʼ? ¡Riuube triste! (Biindaʼ Santiago 4:4). Peru pa guixélenu de ca binni ni qué runi ni jneza ne chuʼnu gaxha de Jehová ne de ca ni nadxii laa, zusiéchenu ladxidoʼbe ne zaca xhamígube laanu (Salmo 15:1-4).
GUIZÍʼDIRUNU JMA
Guidúʼyanu pabiáʼ risaca cuí chaahuinu tu gaca xhamígunu ne ximodo zanda gápaluʼ xhamíguluʼ ni gacané lii.
3. Guyuu cuidadu lii de ca binni ni qué runi ni jneza
Ca binni ni qué runi ni jneza nga ca ni cadi nadxii Dios ne qué rinándacaʼ ley stibe. Laguuyaʼ VIDEU riʼ ne laiquiiñeʼ pregunta riʼ para güitu diidxaʼ:
-
¿Ximodo zándaca guidxaaganu binni ni qué runi ni jneza sin gudiʼnu cuenta?
Laguundaʼ 1 Corintios 15:33 ne laiquiiñeʼ ca pregunta riʼ para güitu diidxaʼ:
-
¿Tuu nga ca binni ni rábiluʼ cadi naquiiñeʼ guidxaagaluʼ? ¿Xiñee rábiluʼ cadi naquiiñeʼ guidxaagaluʼ laacabe yaʼ?
Laguundaʼ Salmo 119:63 ne laiquiiñeʼ pregunta riʼ para güitu diidxaʼ:
-
¿Tu clase binni zanda gaca xhamíguluʼ?
Pa nayuudxuʼ ti manzana zanda gusiúʼdxuni xcaadxi. ¿Xi rábiluʼ zazaaca pa guidxaagaluʼ binni ni qué runi ni jneza?
4. Tu zanda gaca xhamíguluʼ
Ruzeeteʼ Biblia de chupa hombre de Israel ni bibani dxiqué láʼ David ne Jonatán. Neca cadi biáʼqueca iza stícabe ne gadxé modo bibánicabe, nabé guca xhamígucabe. Laguundaʼ 1 Samuel 18:1 ne laiquiiñeʼ pregunta riʼ para güitu diidxaʼ:
-
¿Ñee rábiluʼ caquiiñeʼ peʼ gaca ti binni ricu o gapa biaʼ iza nápaluʼ para gaca xhamíguluʼ laa la?
Laguundaʼ Romanos 1:11, 12 ne laiquiiñeʼ pregunta riʼ para güitu diidxaʼ:
-
¿Ximodo racanesaa ca amigu ni nadxii Jehová?
¿Paraa bidxela ti hombrehuiiniʼ ti buen amigu? Laguuyaʼ VIDEU riʼ ne laiquiiñeʼ ca pregunta riʼ para güitu diidxaʼ:
-
¿Xiñee guyuu bixhoze ne jñaa Akil xizaa pur ca amigu ni napa ra scuela?
-
¿Xiñee nabé bidxaaga Akil ca hombrehuiiniʼ riʼ?
-
¿Xi bíʼnibe para cadi guni sentirbe nuube stúbibe?
5. Ximodo zanda gápaluʼ ti buen amigu
Biiyaʼ ximodo zanda guidxélaluʼ ti buen amigu ne ximodo zanda gácaluʼ ti buen amigu. Laguuyaʼ VIDEU riʼ.
Laguundaʼ Proverbios 18:24 ne 27:17, ne laiquiiñeʼ ca pregunta riʼ para güitu diidxaʼ:
-
¿Ximodo racanesaa ca ni dxandíʼ naca ti buen amigu?
-
¿Ñee casi modo ruzeeteʼ Proverbios nga ca xhamíguluʼ la? Pa cadi zacá ni, ¿xi zanda gúniluʼ para guidxélaluʼ clase amigu riʼ yaʼ?
Laguundaʼ Filipenses 2:4 ne laiquiiñeʼ pregunta riʼ para güitu diidxaʼ:
-
Para gápaluʼ ti buen amigu la? naquiiñeʼ gácaluʼ ti buen amigu. ¿Ximodo zanda gácaluʼ ti buen amigu yaʼ?
Para gápaluʼ ti buen amigu la? naquiiñeʼ gácaluʼ ti buen amigu.
NUU TU NÁ: «Inque si nacháʼhuibe la? zanda gacaʼ xhamiguaʼ laabe».
-
¿Lii xi rábiluʼ yaʼ?
XI BIZÍʼDINU
Ora cuí chaahuinu tu gaca xhamígunu, ribeendunu ni galán ne rusiéchenu Jehová.
Xi biziidiluʼ
-
¿Xiñee risaca para Jehová tu cuinu gaca xhamígunu?
-
¿Tuu nga ca binni ni cadi naquiiñeʼ gaca xhamígunu?
-
¿Ximodo zanda gápaluʼ ti buen amigu?
BIIYAʼ XIRUʼ ZANDA GUIZIIDILUʼ
Biiyaʼ ximodo zanda gacané ti buen amigu lii ora tídiluʼ lu xiixa guendanagana.
Biiyaʼ caadxi conseju ni zanda gacané lii guidxélaluʼ ti buen amigu.
¿Ñee gastiʼ naca gápaluʼ amigu lu internet la?
Biiyaʼ xiñee bixeleʼ ti hombre de ca amigu ni gupa lu historia ni láʼ «Gupaʼ gana ñapaʼ ti binni ñeedagaca casi bixhozeʼ».
«Gucané Biblia laacabe para bichaacabe» (Torre stiʼ ni rapa, 1 de abril de 2012)
Laaca zándaca ziuuláʼdxiluʼ ca ndiʼ
CANI NABÉ RINABADIIDXAʼ BINNI
¿Ximodo runi estudiarné ca testigu stiʼ Jehová binni Biblia?
Zanda gacané ca testigu sti’ Jehová lii guiénelu’ Biblia jma nagueenda ne zanda iquiiñelu’ Biblia ni jma riuulá’dxilu’. Laaca zanda guni invitarlu’ familia stilu’ o tuuxa xhamígulu’.
