«GUYUAANISAʼ dxi napaʼ 15 iza, ne xhoopaʼ beeu despué bizuluáʼ de precursora auxiliar. Ti iza despué maʼ gucaʼ precursora regular. Guyaasiáʼ scuela ca iza biaʼ naguixhe gobiernu cheʼ binni la? gunabaʼ chigacaniáʼ ra jma caquiiñeʼ guireeche stiidxaʼ Reinu. Dxiqué nabezaniáʼ jñaabidaʼ, peru cumu cadi testigu stiʼ Jiobá laabe la? racalaʼdxeʼ guireeʼ de ra nuube ne de guidxi ra guleʼ. Ora gudxi superintendente de circuito naa guiaanaʼ la? guizáʼ triste bineʼ sentir, peru bineʼ stipa para cadi nuluéʼ zaqué nuaaʼ. Nugaanda iqueʼ bireeʼ de ra nuube ne caníʼ iqueʼ ni gúdxibe naa que. Gudxeʼ hermana ni ziniáʼ que: “Zuluaʼsiaʼ cayuneʼ casi biʼniʼ Jonás..., nécaxa despué guyebe Nínive. Nga runi naa laaca ziaaʼ ra gábicabe naa”.

»Maʼ ziniáʼ tapa iza de precursora raríʼ ne maʼ bidieeʼ cuenta jneza nga bineʼ ni gúdxicabe naa. Ni guca nagana para naa nga guchaaʼ modo riníʼ iqueʼ, peru yanna maʼ nayecheʼ nuaaʼ. Lu ti beeu mápeca napaʼ 24 estudiu. Ne rudieeʼ xquíxepeʼ Jiobá purtiʼ yanna maʼ ruundaniáʼ jñaabida Biblia, purtiʼ dxiqué qué riuuláʼdxibe ni».

Ti gunaa de guidxi Fiyi ni deruʼ cayuundaʼ Biblia, gupa xidé biiyaʼ pa zié ti asamblea o ziné xheelaʼ ra cayaca ti lani bidóʼ stiʼ ti familia stiʼ. Bidii xheelabe lugar chebe asamblea que, ne gúdxibe laa ziebe despué ra cayaca saa que. Peru ora biluxe asamblea que guníʼ íquebe pa chebe lani bidóʼ que zuxheleʼ ngue laabe de Dios, ngue runi maʼ qué ñebe.

Peru xheelabe gudxi binnilidxi laa guníʼ zaa chebe peru guniʼbe zeedabe ora guiluxe «reunión stiʼ ca Testigu». Para na binnilídxibe rabi laabe: «Qué zeedadibe. Qué runi ca testigu lani bidóʼ». *

Guyuulaʼdxiʼ xheelabe yenándabe ni runi crebe ne bíʼnibe ni na xconciénciabe. Pur qué nucheenebe Jiobá gunda guníʼnebe xheelabe ne xcaadxi binni de ni caziidibe. Xi guleendube yaʼ. Biindanécabe xheelabe Biblia ne bizulú guyé reunión.