Zedandá dxi zabani cani maʼ guti
Guirutiʼ qué zanda guilá de lu náʼ guendaguti. Peru ¿ñee riluxe guiráʼ ni ora gatiʼ tuuxa la? ¿Ñee maʼ biaandaʼ ca binni ni maʼ guti la? ¿Ñee ziuu dxi guibánicabe la?
GUNÍʼ IQUE NI RUSIIDIʼ BIBLIA
QUÉ RUSIAANDAʼ DIOS CANI MAʼ GUTI
«Irá cani nuu ndaani baʼ [...] zaree caʼ» (Juan 5:28, 29).
Qué rusiaandaʼ Dios ca binni ni maʼ guti. Zusibánibe laacaʼ.
NDAANIʼ GUIDXILAYÚ RIʼ NGA CHIGUIBANI CANI MAʼ GUTI
«Zusibani Dios gueʼtuʼ, cásica ni nachaʼhui zaqueca ni cadi nachaʼhuiʼ» (Hechos 24:15).
Zusibani Dios millón de binni para guibánicaʼ né stale guendariuudxi ne sin qué chuʼ dxi gáticaʼ.
ZANDA GUNI CRENU ZABANI CANI MAʼ GUTI
«Cugábabe panda beleguí nuu; riniʼbe lá cada tobi de laacani» (Salmo 147:4).
Pa nanna Dios lá cada tobi de ca beleguí ca, ¿ñee rábiluʼ zaca nagana para laabe guietenaláʼdxibe cada tobi de ca binni ni racaláʼdxibe gusibánibe la?
Laaca zándaca ziuuláʼdxiluʼ ca ndiʼ
CANI RINABADIIDXAʼ BINNI DE BIBLIA
¿Ximodo zabani ca binni ni maʼ guti?
Zándaca zadxagayaaluʼ ora gánnaluʼ tuu nga ca ni chiguiasa de lade gueʼtuʼ.
