¿Ñee maʼ biindaluʼ ca últimu tema ni bedané revista Torre stiʼ ni rapa la? Yanna biiyaʼ pa zanda guicábiluʼ ca pregunta riʼ:

Ora ridúʼndanu lu Santiago 5:11 «nadxii» ne napa Jehová «misericordia» binni, ¿xi rusietenalaʼdxiʼ ni laanu yaʼ?

Naca Jehová ti Dios ni napa misericordia ne nuu dispuestu guni perdonar ca pecadu stinu. Laaca racané Santiago 5:11 laanu guietenaláʼdxinu nuu ca Jehová listu para gacané laanu ora cayacananu. Gúninu stipa chinándanu ejemplu stibe (w21.01, yaza 21).

¿Xiñee bidii Jehová autoridad binni?

Bíʼnibe ni purtiʼ nadxiibe binni. Nga runi cadi nuudinde familia stibe ne nuu orden ndaaniʼ ni. Ca familia ni runi respetar autoridad riʼ nánnacaʼ tu laa naquiiñeʼ guicaa xiixa decisión ndaaniʼ familia sticaʼ (w21.02, yaza 3).

¿Xiñee naquiiñeʼ gapa ca xpinni Cristu cuidadu ora iquiiñecaʼ aplicación ra guseendacaʼ mensaje?

Pa caníʼ ique tuuxa chuʼ lu ti grupu naroʼbaʼ ra ruseendacabe mensaje, naquiiñeʼ guiníʼ ique tu guiráʼ chichuu lu grupu riʼ ne guʼyaʼ xi tipu binni zadxaaga (1 Tim. 5:13). Laaca naquiiñeʼ chuʼnu cuidadu cadi iquiiñenu ca aplicación riʼ para gucheechenu noticia ni qué gánnanu pa dxandíʼ ne laaca cadi naquiiñeʼ iquiiñenu ca grupu riʼ para si gúninu negocio ne gáxhanu xpueltu ca hermanu stinu (w21.03, yaza 31).

¿Gunáʼ nga caadxi razón pur bidii Dios lugar guninácabe ne guuticabe Jesús?

Primé razón, napa xidé guicá Jesús lu ti yaga para gulabe ca judíu que de maldición stiʼ Ley (Gál. 3:10, 13). Guiropa razón, bidii Jehová lugar gacaná Xiiñiʼ ti chuʼ listu para gaca Sumo Sacerdote. Ne guionna razón, ra gucaná Jesús ne qué nuchee bisihuinni zanda guzuubaʼ ti binni stiidxaʼ Jehová neca tidiʼ ra jma nagana (Job 1:9-11) (w21.04, yaza 16 ne 17).

¿Xi zanda gúninu pa qué guidxélanu binni ra lidxi?

Pa guchaʼnu de hora, zándaca jma zadxélanu binni ra lidxi para guni predicarnu laacaʼ. Laaca zanda guchaʼnu de lugar ra runi predicarnu. Ne sti cosa ni zanda gúninu nga guchaʼnu modo runi predicarnu, zanda gucaʼnu carta (w21.05, yaza 15 ne 16).

¿Xii nga nuu apóstol Pablo guiníʼ ora bizeeteʼ: «Maʼ guteʼ para ley, laani biitini naa»? (Gál. 2:19).

Bisihuinni Ley ni bidii Dios Moisés qué zanda chinanda binni imperfectu guiráʼ ni zeeda luni ne laaca gucaneni ca israelita gudiicaʼ cuenta Jesús nga Cristu (Gál. 3:19, 24). Ndiʼ gucané Pablo guni cré Jesús ne zaqué nga beeda gátibe para Ley ne maʼ qué ninándabe ni (w21.06, yaza 31).

¿Gunáʼ nga ca cosa ni cayuni huantar Jehová?

Cayuni huantarbe cayuni biidicabe labe, bicaalúcabe derechu ni nápabe para guni mandarbe, bidxiideche caadxi de ca xiiñibe laabe ne cayuni huantarbe guiráʼ ca cosa ni cadi dxandíʼ ni riníʼ Binidxabaʼ de laabe. Ne laaca cayuni huantar Jehová gacaná ca xpinni, gatiʼ ca xhamigu, guniná ca binni malu xcaadxi, ne laaca cayuni huantarbe guni binni cosa feu ne gunitilucaʼ Guidxilayú ni bizaʼbe (w21.07, yaza 9 hasta 12).

¿Xi rizíʼdinu de ejemplu stiʼ José?

Biʼniʼ huantar José ca cosa ni cadi jneza biʼniʼ ca biʼchiʼ laa. Ne pur ngue gundísacabe falsu luguiabe, bigaanicabe donda íquebe ne biseguyoocabe laabe stale iza ndaaniʼ guidxi Egipto (w21.08, yaza 12).

¿Xi ca guendariniibi dxacha riete lu Ageo 2:6-9, 20-22?

Qué riuulaʼdxiʼ ca guidxi ca gucaadiágacaʼ mensaje stiʼ Reinu, peru nuu stale binni ni racalaʼdxiʼ ganna jma de Biblia. Ne maʼ cadi candaa, zaniibi dxacha ca guidxi ca últimu biaje ne óraca zanitilucaʼ (w21.09, yaza 15 hasta 19).

¿Xiñee cadi naquiiñeʼ guireʼnu gana ora guni predicarnu?

Purtiʼ ruuyaʼ Jehová stipa ni rúninu. Nga runi, pa qué gusaana de guni predicarnu zacaanu guendanabani ni qué zaluxe (w21.10, yaza 25 ne 26).

¿Ximodo racané Levítico 19 laanu chinándanu conseju riʼ: «Lagaca binni santo lu guiráʼ ni gúnitu»? (1 Ped. 1:15).

Zándaca biree versículo riʼ lu Levítico 19:2. Lu capítulo 19 stiʼ Levítico riete caadxi ejemplu ni zacané laanu gúninu ni ná 1 Pedro 1:15 lu xquendanabáninu (w21.12, yaza 3 ne 4).