Ti dxi, biiyaʼ ti hermana de Nueva Zelanda videu ni láʼ Preocupémonos unos por otros, ra cusiene cadi riá si Jehová binni, sínuque rusihuínnibe ni (Is. 63:​7-9). De raqué gudixhe íquebe gúnibe xiixa ne biyúbibe tu gacanebe. Dxiqueca bireebe zisibe, biiyabe ti gunaa nabeza lu calle ne gusiʼbe xiixa para gó. Gucuaa gunaa que ni. Ora biguetané hermana que guendaró, biʼniʼ predicarbe gunaa que ne bidiibe laa tratadu ni láʼ Ñee ziuu dxi guiree guiráʼ yuubaʼ la?

Bizulú biinaʼ gunaa que. Gúdxibe hermana que biniisibe ndaaniʼ xquidxi Jehová, peru maʼ napa chupa chonna iza de maʼ qué riebe reunión. Peru raca chupa chonna gubidxa canábabe Jehová gacané laabe guibiguétabe ndaaniʼ xquidxi. Bidii hermana que laabe ti Biblia ne gudxi laabe zuundané laabe sti biaje. a

Zanda guianu binni cásica runi Jehová ni, ládecabe nuu ca familia stinu ne ca hermanu de congregación. Ne sti modo zanda gúninu ni nga guyúbinu oportunidad para guni predicarnu.