Rizaaca qué randa riquíʼñenu tiempu stinu jneza dede qué rugaanda ni para ñuundanu Biblia modo riuuláʼdxinu. Yanna, ¿xi zacané lii iquiiñeluʼ tiempu stiluʼ jneza ya? Primé, biquiiñeʼ jneza tiempu ni maʼ guleeluʼ para guni estudiarluʼ. Jma galán guiníʼ íqueluʼ neca ti ndaa si que gundaaluʼ ti luguiaa si ne nagueenda.

Despué biiyaʼ xii nga ni jma risaca gúniluʼ (Efes. 5:15, 16). Guidúʼyanu caadxi cosa ni zacané lii:

• Biindaʼ Biblia guiráʼ dxi (Sal. 1:2). Para ganda guzululuʼ, ti cosa ni zanda gacané lii nga gúʼndaluʼ ca capítulo ni maca nexheʼ guiuundaʼ lu reunión ni raca ndaaniʼ semana.

• Dede ante biʼniʼ analizar ni chigaca lu ca reunión ca, casi ni chiguidúʼyanu lu revista Torre stiʼ ni rapa ne zaqueca lu ca reunión ni raca ndaaniʼ semana. Guca preparar chaʼhuiʼ para ganda guni cometarluʼ (Sal. 22:22).

• Pa riaanaruʼ tiempu lii para guni estudiarluʼ, galán gúniluʼ stipa para ganda gúʼyaluʼ ca ni huabee xquidxi Jehová casi revista ni rusaananenu binni, ca videu ca, ne guiráʼ ni nuu lu sitiu jw.org.

• Biindaʼ xiixa ni chuuláʼdxiluʼ. Zanda guyúbiluʼ información de xiixa guendanagana ni cudxiiluluʼ, ti pregunta ni racaláʼdxiluʼ gánnaluʼ respuesta stiʼ o ti tema ni zeeda lu Biblia ni ñuuláʼdxiluʼ ñéneluʼ jma galán. Zadxélaluʼ xcaadxi tema lu libru Ca lección ni riziideʼ de lu Biblia ni nuu lu jw.org.