Randa raca perdonar ca pecadu stinu pur bidii Jesús xquendanabani pur laanu (Efes. 1:7). Neca zacá, Biblia ruzeeteʼ «biʼniʼ Dios zacá para gusihuinni jneza runi ra biʼniʼ perdonar pecadu stiʼ binni dxiqué [ . . . ] ra bisihuinni paciencia stiʼ» (Rom. 3:25). Ndiʼ riníʼ maca runi perdonar Dios binni ante gudii Jesús xquendanabani pur laanu. ¿Ximodo zanda guni Jehová ndiʼ sin gucheené ca ley ni laa peʼ gudixhe yaʼ?

Dede dxi biʼniʼ prometer Jehová zeeda ti «descendencia» ni zulá guiráʼ xixé ca ni gapa fe laa, beeda gaca ni casi ora maʼ gudixe Jehová para guilanu (Gén. 3:15; 22:18). Gunna dxichi Jehová, ora guedandá ora, zaná Xiiñiʼ gudii xquendanabani para gulá laanu (Gál. 4:4; Heb. 10:​7-10). Dxi guyuu Jesús lu Guidxilayú riʼ, bidii Jehová laabe autoridad para guni perdonarbe pecadu stiʼ ca binni ni gusihuinni napa fe. Neca caʼruʼ gudii Jesús xquendanabani pur laanu, gunda guca perdonar ca pecadu stícabe (Mat. 9:​2-6).