TORRE STIʼ NI RAPA Núm. 1 2023 | Ti guendabiaaniʼ nazaaca: Zanda gacané Biblia lii
Stale binni lu guidubi Guidxilayú cayuniná xiixa guendahuará guendabiaaniʼ sticaʼ. Zanda guniná ca guendanagana riʼ guiráʼ clase binni de gadxé gadxé iza, de gadxé gadxé lugar, religión, ca ni napa bueltu ne ca pobre, ne zaqueca ca ni guzá scuela ne ca ni coʼ. Peru ¿xii nga ca guendahuará ni runiná xquendabiaaniʼ binni ne ximodo cuchaa ni xpida binni yaʼ? Lu revista riʼ ziete pabiáʼ risaca cheʼ binni doctor ne guicaa ti tratamientu ni peʼ caquiiñeʼ ne laaca ziete ximodo zanda gacané Biblia tuuxa ni maʼ napa tipu guendahuará riʼ.
Stale tu cayuniná ti guendahuará guendabiaaniʼ sticaʼ
Zanda guniná ca guendanagana riʼ guiráʼ clase binni de gadxé gadxé iza ne de gadxé gadxé lugar. Biiyaʼ ximodo zanda gacané Biblia lii gápaluʼ ti guendabiaaniʼ nazaaca.
Racalaʼdxiʼ Dios gapa lii
¿Xiñee zanda guni crenu Jehová si nga ni jma riene modo runi sentirnu ne ni riníʼ íquenu?
1 | Oración: Lagulaa «guirá’ ni riguu xizaa laatu luguiabe»
Ora guni orarluʼ, ¿ñee zanda gábiluʼ Dios guiráʼ xixé guendanagana o ni naguu xizaa lii la? ¿Ximodo zanda gacané oración ca ni napa ansiedad?
2 | «Quixhedxí Stiidxaʼ Dios ladxidoʼno»
Lu Biblia riete zedandá dxi maʼ qué lica zietenaláʼdxinu guiráʼ ni cayuniná laanu yanna.
3 | Ni bizaaca caadxi binni riete lu Biblia
Lu Biblia riete guyuu caadxi binni ni biʼniʼ sentir ni cayuni sentirnu yanna. Pa guidúʼndanu ca ni, zacané ca ni laanu gudiʼnu cuenta nuuruʼ tu huadxiilú xiixa guendahuará ni runiná guendabiaaniʼ stiʼ binni.
4 | Ca conseju galán zeeda lu Biblia
Pa guiníʼ íqueluʼ ca textu stiʼ Biblia ne quixheʼ íqueluʼ gúniluʼ xiixa ni dxandíʼ zanda gúniluʼ la? zacané ni lii gudxiiluluʼ guendahuará ni cayuniná guendabiaaniʼ stiluʼ.
¿Ximodo gacanenu ca ni cayuniná ti guendahuará guendabiaaniʼ sticaʼ?
Nabé risaca ni gúniluʼ pur ti xhamíguluʼ ni cayuniná xiixa guendahuará guendabiaaniʼ stiʼ.
