Laatu, ca ni napa xiiñiʼ, nápatu ti dxiiñaʼ nabé risaca, laani nga gusiiditu ca xiiñitu de Jehová (Efes. 6:4). Maʼ gulee organización stiʼ Jehová stale información para gacané laatu gúnitu dxiiñaʼ ca. ¿Ximodo zanda iquiiñetu ca ni yaʼ?

• Biyubi información ni caquiiñeluʼ. Lu jw.org nuu stale información para ca xcuidi ne ca joven, laaca nuu stale videu ne caadxi actividad ni zanda gúnicabe. a Para ganda gúʼyaluʼ guiráʼ información ca, guyé ra ná «Ca ni rusiidiʼ Biblia» de racá guyuu ra ná «Xcuidi» o «Ca joven».

• Gulí información ni caquiiñeʼ xiiñiluʼ. Lu sección ni láʼ «Xcuidi», zanda gúʼyaluʼ xi actividad jma zacané xiiñiluʼ.

• Guniʼné xiiñiluʼ de ni cayuundatu. Cadi guluiʼluʼ xiiñiluʼ ca videu ne ca actividad ca para si cuídxibe. Biquiiñeʼ información ca para gusiidiluʼ laabe ne gucané laabe gaca xhamígube Jehová.