TORRE STI' NI RAPA (REVISTA DE ESTUDIU) Septiembre de 2014
Revista riʼ né ni ca tema ni ziuundaʼ de 27 stiʼ octubre dede 30 stiʼ noviembre 2014.
Ñee cayúniluʼ stipa pur ugaandaluʼ ni la?
Ximodo gácani jneza
Ñee nuuluʼ seguru maʼ bidxélaluʼ ni dxandíʼ la?
Lu tema riʼ zeeda chupa chonna razón ni rucaa stale binni gudii cuenta maʼ bidxelaʼ ca testigu stiʼ Jiobá ni dxandíʼ. Ne laaca zadúʼyanu xi razón nápacabe para gánnacabe zacá ni.
Biʼniʼ ni na Dios neca tiidiluʼ «stale ra nagana»
Guiranu rápanu guendanagana purtiʼ nabáninu ndaaniʼ guidxilayú stiʼ Binidxabaʼ. Xi trampa riquiiñeʼ Binidxabaʼ para gucaalú laanu yaʼ. Ximodo zanda chuʼnu listu yaʼ.
Laatu cani napa xiiñiʼ, lagapa ca xiiñitu
Cani napa xiiñiʼ naquiiñeʼ gusiniisicaʼ ca xiiñicaʼ modo na ca ley stiʼ Dios (Efesios 6:4). Lu tema riʼ zeeda chonna modo zanda gapa binni ca xiiñiʼ ne gacanecaʼ laacabe gannaxhiicabe Jiobá.
Ni rinabadiidxaʼ cani ruundaʼ
Ñee cusiene ca diidxaʼ ni guníʼ David ni zeeda lu Salmo 37:25 ne ni guníʼ Jesús ni zeeda lu Mateo 6:33 qué ziuu dxi gudii Jiobá lugar guiaadxaʼ guendaró ca xpinni Cristu la?
Zabee Dios guendaguti, últimu enemigu stinu
Nabé stale yuubaʼ redané guendaguti. Xiñee rátinu. Ximodo zaree guendaguti, últimu enemigu stinu. (1 Corintios 15:26.) Biiyaʼ ximodo ni ricabi ca guendarinabadiidxaʼ riʼ rusihuínnicani naca Jiobá ti Dios ni runi jneza, nuu xpiaaniʼ ne nadxii binni.
Cadi gusiáʼndanu cani jma runi xhiiñaʼ Jiobá
Stale xpinni Cristu runi jma lu xhiiñaʼ Dios. Ximodo zanda gusihuínninu qué rusiaandanu dxiiñaʼ ni rúnicabe. (1 Tesalonicenses 1:3.)
