TORRE STI' NI RAPA (REVISTA DE ESTUDIU) Mayo de 2015
Revista riʼ né ca tema ni ziuundaʼ de 29 stiʼ junio hasta 26 stiʼ julio 2015.
HISTORIA STINNEʼ
Ni jma nadxieeʼ huadii stipa naa guidxagaluáʼ guiráʼ ni maʼ huadideʼ
Biindaʼ ximodo bibani Anthony Morris III, ti xpinni Cristu ni nuu lu Grupu ni Zaniruʼ stiʼ ca testigu stiʼ Jiobá.
Gupa lii de ca trampa stiʼ «lion ni canaguu beedxeʼ»
Binidxabaʼ napa poder, malu laa ne rusiguii. Xi zanda gúninu para cadi guninabe laanu yaʼ.
Zanda guni ganarluʼ Binidxabaʼ
Biziidiʼ ximodo zanda gudxiiluluʼ chupa chonna trampa stiʼ Binidxabaʼ casi gudxiibaʼ binni laca laa, gannaxhii ca cosa ni nuu lu guidxilayú ne bidxichi, ne intiica pecadu.
«Biiya cabe» ca cosa ni bizabiruaa Dios
Stale hombre ne gunaa de dxiqué bixuíʼlucaʼ ximodo zaca ca cosa ni maʼ bizabiruaa Dios. Ximodo zanda chinándanu ejemplu stícabe yaʼ.
Bixuiʼlú ximodo zanda gácaluʼ casi Jiobá
Ñee zanda guiénenu ximodo runi sentir ti binni pa qué huadídinu ra cadiʼdiʼ la?
Ni rinabadiidxaʼ cani ruundaʼ
Tuu nga Gog stiʼ guidxi Magog ni rieeteʼ lu libru stiʼ Ezequiel.
CA NI NAGUU CHAAHUIʼ XQUIDXI DIOS
Bihuinni nadxiisaacabe ra cayaca guendaró que
Pa bizulú guyeluʼ guendaridagulisaa roʼ stiʼ ca testigu stiʼ Jiobá lu iza 1990, zándaca guidxagayaaluʼ ni bíʼnicabe stale iza.
