Libana ni bibí

Ñee zedandá dxi guibani binni tobi si sin guninásaacaʼ laacaʼ la?

Maʼ raca mil de iza de cuyubi binni ximodo chuʼ tobi si ne cadi guninásaacaʼ laacaʼ, peru qué huayanda diʼ gúnicabe ni. Biblia rudii chupa razón xiñee qué ganda guni binni ni, ne laaca cayábini laanu mayaca guibani binni tobi si ne sin guninásaacaʼ laaca, casi maca guníʼ Dios gácani lu guidubi Guidxilayú.

Padxí ne ximodo gaca ni guníʼ Dios ca yaʼ. Xi naquiiñeʼ gúninu para guicaanu ca ndaayaʼ ca yaʼ. Zacabicabe cani gunabadiidxanu ca lu ti libana ni láʼ: «Ñee zedandá dxi guibani binni tobi si sin guninásaacaʼ laacaʼ la?» Libana riʼ bireeni lu Biblia ne zudiicabe ni lu jma de chupa gayuaa treinta guidxi roʼ. Stale guidxi zadiʼdiʼ libana riʼ ndaaniʼ Yoo stiʼ Reinu stiʼ ca Testigu stiʼ Jiobá domingu 18 stiʼ abril 2010. Ca Testigu ni nabeza gaxha de raliʼdxuʼ zanda gábicaʼ lii paraa ne pora chigácani. Cabézadu lii.