4. Zará guendarannaxhii ndaaniʼ familia

«Zuyubi binni puru si para laa [...]. Qué zannaxhiicaʼ binni ne qué zanacaʼ chuʼcaʼ de acuerdu» (2 TIMOTEO 3:1-3).

● Chris, ti gunaa ni runi dxiiñaʼ ra ti asociación ni racané ca gunaa ni riguiiñeʼ xheelaʼ laa, ni riaana ladu guiaʼ de guidxi Gales, guníʼ: «Ti dxi beeda ti gunaa dede qué ñanda ñunebiaʼyaʼ laa tantu gudiiñeʼ xheelabe laabe ne xcaadxi gunaa runi maltratárcabe laacaʼ dede qué ganda rindisaʼ lucaʼ».

¿CAADXI DE CA DATU NI NÁPANU? Ndaaniʼ ti guidxi nuu África jma de 30 por ciento de ca gunaa huayuni sufrir abuso sexual dxi nahuiiniʼ, ne laaca ndaaniʼ guidxi ca stale hombre riníʼ cadi malu quíñecaʼ xheelacaʼ. Peru cadi ca gunaa si runi maltratárcabe laacaʼ. Ndaaniʼ guidxi Canadá, jma de treinta por ciento de ca hombre riguiiñeʼ xheelacaʼ laacaʼ.

NI RINÍʼ BINNI. Maʼ xadxí nga riguiiñeʼ binni xheelaʼ, peru yanna jma rulábicabe ni.

¿ÑEE BIAʼSI NI RINÍʼ BINNI LA? Lu ca últimu iza riʼ, maʼ guníʼ binni cadi jneza guniná tuuxa xheelaʼ, peru ¿ñee huayacané nga cadi guniná tuuxa xheelaʼ la? Coʼ. Purtiʼ ra zidiʼdiʼ dxi, jma zirá guendarannaxhii ndaaniʼ familia.

¿XI RÁBILUʼ? ¿Ñee cayaca cumplir ni ná 2 Timoteo 3:1-3 la? ¿Ñee dxandíʼ nga qué zanda gannaxhii binni familia stiʼ la?

Sti profecía ni cayaca cumplir caniʼni de Guidxilayú ra nabézanu riʼ. Guidúʼyanu xi rusiene Biblia de laani.

[Ni caníʼ/Epígrafe]

«Stale binni qué riná guni denunciar ora riguiiñeʼ xheelaʼ laa. Ti encuesta ná biaʼ treinta y cinco biaje runi huantar ti gunaa quiñe xheelaʼ laa ante guni denunciarbe laa». (NI GUNÍʼ TI HOMBRE DE GUIDXI GALES NI RACANÉ BINNI NI RUNINÁCABE LAA NDAANIʼ FAMILIA STIʼ).