6. Cayaca predicar lu guidubi guidxilayú
6. Cayaca predicar lu guidubi guidxilayú
«Zaca predicar ca noticia galán stiʼ Reinu lu guidubi guidxilayú» (MATEO 24:14)
● Nabeza Vaiatea lu ti isla riaana lu Pacífico, nuuni lu archipiélago de Tuamotú. Naroʼbaʼ isla riʼ biaʼ 803,000 kilómetru cuadradu ne nabeza 16,000 binni raqué. Neca nabé zitu ni, riganna ca testigu stiʼ Jehová Vaiatea ne ca vecinu stiʼ. ¿Xiñee yaʼ? Purtiʼ racaláʼdxicaʼ gusiidicaʼ binni de Reinu stiʼ Dios, gastiʼ naca paraa nabézacaʼ.
¿CAADXI DE CA DATU NI NÁPANU? Runi predicar ca testigu stiʼ Jehová Reinu stiʼ Dios lu guidubi Guidxilayú. Lu iza 2010 biʼniʼ predicarcaʼ jma de ti mil xhoopaʼ gayuaa millón hora ndaaniʼ 236 guidxi ne territorio, ndiʼ riníʼ bíʼnicaʼ ti promediu 30 minutu pur cada testigu stiʼ Jehová. Ne chii iza ante bisaananécabe binni jma de gande millón publicación ni caníʼ de Biblia.
¿NI RINÍʼ BINNI? Maʼ stale iza de runi predicar ca testigu stiʼ Jehová.
¿ÑEE BIAʼSI NI RINÍʼ BINNI LA? Dxandíʼ nga huayuni binni stipa guni predicar mensaje stiʼ Biblia. Peru stale de laacaʼ huayúnicaʼ ni pur ti tiempu ne cadi lu guidubi Guidxilayú. Peru ca testigu stiʼ Jehová, runi predicarcaʼ millón de binni lu guidubi Guidxilayú. Ne cayúnicaʼ dxiiñaʼ riʼ neca nuu tu racalaʼdxiʼ gucueeza laacaʼ (Marcos 13:13). * Laaca ribee ca Testigu tiempu para guni predicarcaʼ, gusaananecaʼ binni publicación ne qué rutoocaʼ ni. Randa raca dxiiñaʼ riʼ pur ca donación rudii binni de guidubi ladxidóʼ.
¿XI RÁBILUʼ? ¿Ñee cayaca predicar «ca noticia galán stiʼ Reinu lu guidubi Guidxilayú» la? Ra cayaca cumplir profecía riʼ, ¿ñee riniʼni zabáninu jma galán despué la?
[Nota]
^ párrafo 6 Pa racaláʼdxiluʼ gánnaluʼ jma, biiyaʼ videu ni láʼ Fieles ante las pruebas, Los triángulos púrpuras ne Los testigos de Jehová se mantienen firmes ante el ataque nazi, ni riguiiziʼ ca testigu stiʼ Jehová.
[Ni caníʼ/Epígrafe]
«Dede ra gudii Jehová lugar, zuni predicarnu ca noticia galán stiʼ Reinu né stale gana ne zuyúbinu modo guinínenu guiráʼ binni nuu lu guidubi Guidxilayú». (ANUARIO DE LOS TESTIGOS DE JEHOVÁ 2010)