«Ñee zunitilú binni Guidxilayú riʼ la?»

● Ora ruuyaʼ binni Guidxilayú riʼ de zitu rihuínnini casi ti guié sicarú de color azul ne naquichiʼ. Peru ora guʼyaʼ binni ni de gaxha la? rihuinni casi ora mayaca guinitilú ni. Xiñee yaʼ. Cadi liica nagana: ca binni ni nabeza ndaaniʼ ni nga qué rápacaʼ ni. Ne cadi cunitilúsicabe Guidxilayú ra cayuni biidicabe ni, ra cunitilúcabe ca guiʼxhiʼ stini, ra cabeecabe guiráʼ ni rudiini. Laaca cuchaa xpiaʼ binni ne qué nacaʼ guiziidicaʼ de Dios, ne rihuinni zacá ni pur guiráʼ guendaridinde nuu luni, cayuuticabe binni ne riuunécabe ni cadi xheelacabe.

Modo nabani binni yanna riʼ, maʼ raca chupa mil iza de gucuani lu caadxi diidxaʼ riguixhená ni zeeda lu Biblia (2 Timoteo 3:1-5; Apocalipsis 11:18). Laaca bieeteʼ Dios si nga zanda guni chaahuiʼ ca cosa ca ne cadi binni guidxilayú. Cani bizéʼtenu riʼ zacábicabe cani lu libana ni láʼ «Ñee zunitilú binni Guidxilayú riʼ la?». Libana riʼ zadiʼdiʼ ni lu guendaridagulisaa de chonna gubidxa ni chigapa ca testigu stiʼ Jiobá ni chiguiree lá «Biseendaʼ reinu stiluʼ». Ca guendaridagulisaa de chonna gubidxa riʼ bizulú cani ndaaniʼ caadxi guidxi lu beeu mayo ne zaca cani lu guidubi naca Guidxilayú.

Runi invitardu lii cheluʼ guendaridagulisaa ni riaana lii jma gaxha. Para gánnaluʼ jma la? gunabadiidxaʼ ca testigu stiʼ Jiobá ni nabeza neza ralídxiluʼ o laaca zanda guinabadiidxaluʼ cani bicaa revista riʼ. Lu Internet www.pr418.com zeeda ti lista ra cá xi lugar chigácani xquídxiluʼ.

[Textu ni zeeda lu yaza 32]

www.watchtower.org/zpi