Biblia nga Stiidxaʼ Dios. Zeeda gácani casi ti carta ni rucaa ti binni ra nuu xiiñiʼ ni nadxii (2 Timoteo 3:16). Lu Biblia rabi Dios laanu ximodo zanda gusiéchenu laa, xiñee cudiibe lugar gacaná binni ne xi chigúnibe pur laacaʼ despué. Cumu gadxé modo rusiidiʼ ca xaíque stiʼ ca religión ca cani zeeda lu Biblia la? stale binni riníʼ ique qué ziuu dxi guiene cani rusiidiʼ ni (Hechos 20:29, 30).

Jiobá Dios racalaʼdxiʼ gunibiáʼ chaahuinu laa, nga runi bidiibe laanu ti libru ni zanda guiénenu. (Biindaʼ 1 Timoteo 2:3, 4.)

Cadi bidii si Jiobá laanu Biblia, sínuque laaca rudiibe ni gacané laanu guiénenu ni. Biseendabe Jesús para gusiidiʼ laanu (Lucas 4:16-21). Ne ora bisiidiʼ Jesús biquiiñeʼ chupa chonna textu para gusiene xiná Stiidxaʼ Dios. (Biindaʼ Lucas 24:27, 32, 45.)

Jesús nga gudixhe guidagulisaa ca xpinni ti ganda gúnirucabe dxiiñaʼ ni bizulube (Mateo 28:19, 20). Ca dxi stinu riʼ, cani dxandíʼ xpinni Cristu riuuláʼdxicaʼ gacanecaʼ binni guiene cani rusiidiʼ Biblia de Dios. Pa riuuláʼdxiluʼ guiéneluʼ ni, guniʼné ca testigu stiʼ Jiobá. (Biindaʼ Hechos 8:30, 31.)