Nabé runibiáʼ binni laadu pur dxiiñaʼ ni rúnidu, rucheechedu diidxaʼ de yoo pur yoo, ra nuu stale binni ne ra tiica guidxéladu binni. Xiñee rúnidu ni yaʼ.

Laadu, ca testigu stiʼ Jiobá, rucheechedu diidxaʼ para gusisácadu Dios ne para gusíʼdidu binni tu labe (Hebreos 13:15). Laaca rúnidu ni purtiʼ rinándadu mandatu bidii Cristu ra na: «Nga runi laché irá xixé guidxi, lachiusiidi irá xixé binni sa nanda naa [...]. Lausiidi laaca guni ca irá ni ma gudxe laatu» (Mateo 28:19, 20).

Ne laaca rúnidu ni purtiʼ nadxiidu binni (Mateo 22:39). Nánnadu stale binni maʼ napa religión stiʼ ne cadi guiráʼ diʼ binni riuulaʼdxiʼ gucaadiaga laadu. Laaca nánnadu zacané cani rusiidiʼ Biblia binni guilá. Nga rucaa laadu cadi gusaana de gucheechedu «stiidxa Cristu», cásica biʼniʼ ca primé xpínnibe ni (Hechos 5:41, 42).

Stale de cani ruundaʼ revista stidu cadi testigu stiʼ Jiobá laacaʼ. Ne millón de binni ni cadúʼndanedu Biblia nápacaʼ religión sticaʼ ne rudiicaʼ xquíxepeʼ chiganna ti Testigu laacaʼ.

Zándaca nápaluʼ gana gannuʼ jma de laadu. Nuu stale modo zanda gannuʼ ni racalaʼdxuʼ:

• Gunabadiidxaʼ ti testigu stiʼ Jiobá.

• Guyé lu sitiu ni nápadu lu Internet, www.pr418.com/zai.

• Guyé tobi de ca guendaridagulisaa stidu. Zanda cheʼ tutiica binni ne qué riaxa para chuʼ binni.