Yanna ra ma’ nuunu lu iza 2023 ri’, cabézanu guibáninu nayeche’, laanu ne familia stinu. Yanna, ¿xi zanda gacané laanu guibáninu nayeche’ ca dxi ni zeeda ca ya’?

 Cayabi Biblia laanu ti tiempu si nga cadídinu lu guendanagana ne ma’ cadi candaa zaree ca ni. Ne gucuá Biblia «para gusiidiʼ ni laanu, ti ora [...] quixhedxí Stiidxaʼ Dios ladxidoʼno la? gápanu esperanza» (Romanos 15:4).

•   Pa racaláʼdxiluʼ gánnaluʼ jma de ni caninu riʼ, biindaʼ artículo «La esperanza real de un mañana mejor».

 «Naaze dxiichiʼ esperanza riʼ xpídanu, cásica rinaaze dxiichiʼ ti ancla barcu» (Hebreos 6:19). Zanda gacané esperanza riʼ laanu guzuhuaʼnu dxiichiʼ, gudxíʼlunu ca guendanagana ni cadxaagalunu yanna ne laaca racané ni laanu guibáninu nayecheʼ. Biiyaʼ ximodo ma’ gucané ni chupa chonna binni:

•   Biiyaʼ ximodo gucané esperanza ni zeeda lu Biblia ti hombre para bisaana viciu stiʼ. Biiyaʼ videu «Bixhacaladxeʼ modo nabaneʼ».

•   Biiyaʼ ximodo zanda gacané esperanza ni zeeda lu Biblia laanu ora gatiʼ tuuxa ni nadxiinu. Biiyaʼ videu Yuubaʼ ni rapa binni ora gatiʼ tuuxa ni nadxii.

 Stale binni ribeza guizaaca puru si cosa galán, peru qué gánnacabe pa dxandí’ zaca ni cabézacabe. Gadxé peʼ ni riete lu Biblia. ¿Xiñee yaʼ? Purtiʼ Jehová a Dios peʼ guníʼ xi guicá lu Biblia, ne luni ná «qué rusiguii» Dios (Tito 1:2). Jehová si nga zanda guni guiráʼ ni riníʼ; zanda gúnibe intiica cosa gacaláʼdxibe (Salmo 135:5, 6).

 Canábadu lii gú’ndalu’ Biblia para gú’yalu’ ximodo zanda gacané ni lii. Pa gu’nda’ chaahuilu’ «Stiidxaʼ Dios» jma zuni creluʼ ni nani (Hechos 17:11). Zanda gúʼyaluʼ zacá ni pa naluʼ gúʼndané tuuxa lii Biblia sin quíxeluʼ. ¡Bizulú iza 2023 ri’ né stale guendanayecheʼ!