¡GATANANU!
Cayacaná Guidxilayú riʼ | ¿Xi caníʼ Biblia de laani?
«Nabé maʼ nagueenda cuchaa clima stiʼ Guidxilayú: Maʼ calahuaa ca guidxi naroʼbaʼ. Nabé maʼ nandáʼ nuu stale lugar. Nadipaʼ reeda ca huracán. Maʼ nadxunuʼ nisa ndaaniʼ stale lugar. Maʼ canitilú millón de yagahuiiniʼ ne maniʼ. Dxandíʼ ni canieeʼ riʼ ne maʼ cadúʼyanu ca ni. Ca científicu ca nacaʼ cazaacaʼ ndiʼ purtiʼ cadi jneza caquiiñeʼ ca gobiernu ca recursu stiʼ Guidxilayú» (Discursu ni bidii António Guterres, secretario general de las Naciones Unidas, ora bicábibe informe stiʼ Grupo Intergubernamental de Expertos sobre el Cambio Climático ni biree 4 de abril de 2022).
«Ca científicu ca nacaʼ pur modo cuchaa clima lu Guidxilayú, ca iza zeeda riʼ guizáʼ zuniná ni casi guiráʼ parque nacional [stiʼ Estados Unidos] purtiʼ qué runi huantar peʼ ca ni modo cuchaa clima ca. Guiráʼ ca cosa malu ni zándaca gueeda guizaaca 423 parque ca rusihuinni ca ni casi ora maʼ chiguinitilú Guidxilayú: cacaguí stale lugar, calahuaa stale guidxi, cayá hielu stiʼ Guidxilayú, cayaca nisadóʼ ca ziaaʼ ne cunitilú ni stale lugar ne nabé maʼ nandáʼ cayaca lu Guidxilayú riʼ» («Flooding Chaos in Yellowstone, a Sign of Crises to Come» [Modo hualahuaa Yellowstone, culuíʼ ni laanu guiráʼ guendanagana ni zeeda], The New York Times, 15 de junio de 2022).
¿Ñee zaca chaahuiʼ guiráʼ ni cayuniná planeta stinu la? Pa zacá ni, ¿ximodo gaca chaahuiʼ ni yaʼ? Biiyaʼ xi peʼ ndiʼ cusiidiʼ Biblia.
Maca ruzeeteʼ Biblia zuniná binni Guidxilayú stinu riʼ
Biblia ná zunitilú Dios «ca ni cunitilú guidxilayú» (Apocalipsis 11:18). Rusiidiʼ versículo riʼ laanu chonna cosa:
1. Guizáʼ zuniná binni Guidxilayú stinu riʼ.
2. Zanda gaca chaahuiʼ ra maʼ guca feu Guidxilayú.
3. Dios nga chiguni chaahuiʼ Guidxilayú riʼ cadi binni.
Zedandá dxi zaca chaahuiʼ Guidxilayú riʼ
Biblia cayabi laanu «qué ziuu dxi guiluxe» Guidxilayú riʼ (Eclesiastés 1:4). Siempre zabani binni ndaaniʼ ni.
«Zacaa ca ni biʼniʼ ni jneza guidxilayú ne zabánicaʼ luni para siempre» (Salmo 37:29).
Interu naca Guidxilayú zaca chaahuiʼ ne zaca ni ti lugar sicarú.
«Desiertu ne ra gastiʼ nisa ziéchecaʼ, ne ra napampa casi desiertu ziuu nayecheʼ ne zudii guieʼ casi azafrán» (Isaías 35:1).
Laaca zándaca ziuuláʼdxiluʼ ca ndiʼ
CANI RINABADIIDXAʼ BINNI DE BIBLIA
¿Ñee zanitilú Guidxilayú riʼ la?
Claru modo cusiene Biblia xi naguixhe ique Dios guni né Guidxilayú riʼ.
TORRE STIʼ NI RAPA
Ñee zunitilú binni Guidxilayú riʼ la?
Qué niníʼ si Biblia zanitilú Guidxilayú riʼ, laaca bizeeteni xi chigaca luni despué.
ESSENTIAL BIBLE TEACHINGS
¿Xiñee bizáʼ Dios Guidxilayú?
Dede zadxagayaaluʼ ora gúʼyaluʼ planeta stinu tantu sicarú ni. Biaʼsi distancia napa ni de ra nuu Gubidxa, biáʼsipeʼ inclinación napa ni, ne biaʼsi velocidad de rotación napa ni. ¿Xiñee biʼniʼ Dios dxiiñaʼ nadipaʼ para bizáʼ planeta sicarú riʼ yaʼ?
TORRE STIʼ NI RAPA
¿Xi chiguni Reinu stiʼ Dios?
Nanna Jesús Reinu si stiʼ Dios nga zanda guni chaahuiʼ ca guendanagana nuu lu Guidxilayú. ¿Xi huayuni Reinu stiʼ Dios para guni crenu zuni chaahuiʼ ni ca guendanagana ni nuu?
TU LAADU
Ti reunión
Biiyaʼ ximodo raca ca reunión stidu. Biyubi ti lugar ra raca reunión gaxha de ra nabézaluʼ.
