Lu fecha 23 de mayo de 2022 guníʼ Organización Mundial de la Salud (OMS), maʼ guti 6.27 millón de binni pur COVID-19. Peru lu ti informe ni gulee OMS 5 de mayo de 2022 guníʼ zándaca jma maʼ stale binni guti. Bizeetecabe entre lu iza 2020 ne 2021 que, «biiti COVID o tobi de ca síntoma stini [...] biaʼ 14.9 millón de binni». ¿Ñee caníʼ Biblia xiixa de ca guendahuará malu riʼ la?

•    Lu Biblia riete ziuu ti tiempu ni rábicabe «ca últimu dxi», ne guníʼ Jesús ziuu «guiráʼ clase guendahuará» malu ca dxi ca (2 Timoteo 3:1; Lucas 21:11).

 Cayaca cumplir profecía ni guníʼ Jesús ca dxi riʼ. Para gánnaluʼ jma, biindaʼ artículo «¿Cuál es la señal de “los últimos días” o “los tiempos finales”?».

•    Dios ni «riguixhedxí ladxidoʼno. Riguixhedxibe ladxidoʼno lu guiráʼ guendanagana ridxaagalunu» (2 Corintios 1:3, 4).

 Maʼ gudixhedxí Biblia ladxidóʼ stale binni ni maʼ guti tuuxa ni nadxii. Biindaʼ artículo «Ni zanda quixhedxí ladxidoʼloʼ» ne «Ni jma racané binni ora gatiʼ tuuxa ni nadxii».

•    «Gueeda Reinu stiluʼ. Gaca ni naluʼ ndaaniʼ guidxilayú, cásica raca ni guibáʼ» (Mateo 6:10).

 Maʼ cadi candaa zuni cumplir «Reinu stiʼ Dios» ca diidxaʼ riʼ: «Guirutiʼ tu cueza racá zaníʼ: “Huaraʼyaʼ”» (Marcos 1:14, 15; Isaías 33:24). Para gánnaluʼ jma de gobiernu ni nuu guibáʼ riʼ ne xi chiguni ni la? biiyaʼ videu Xii nga Reinu stiʼ Dios.

 Cayuni invitardu lii guiziidiluʼ jma de lu Biblia. Luni zeeda stale conseju ne promesa ni cayuni Dios, ni zacané lii ne familia stiluʼ.