Lu guidubi Guidxilayú stale binni raca nagana para laa gapa bueltu ni caquiiñeʼ para guibaniné, ne zeʼ dxi jma nagana cayácani.

•   Ti informe ni nacubi biree cuzeeteʼ, a lu guidubi guidxilayú maʼ qué rugaanda bueltu ni riaxa binni ne pa qué gaca gastiʼ la? ra tidiʼ dxi jma huaxiéʼ ziaxa ca trabajador ca ne maʼ qué zanda gudiicaʼ ni iquiiñeʼ familia sticaʼ. Nga runi jmaruʼ zadale binni pobre.

 ¿Ñee zanda gacané ca gobiernu ca binni gápacaʼ bueltu ni iquiiñecaʼ la? O ¿ñee zanda cueecabe ca guendanagana ni rapa binni pur gastiʼ bueltu la?

 Biblia ruzeeteʼ de ti gobiernu ni zabee guiráʼ ca guendanagana ni rapa binni pur huaxiéʼ bueltu nuu. Sicaríʼ ná ni: «Dios ni nuu guibáʼ zucuí ti reinu» o ti gobiernu ne laasini nga chiguni chaahuini guiráʼ ni cayaca lu Guidxilayú riʼ (Daniel 2:44). Ora guni mandar gobiernu riʼ lu guidubi guidxilayú zacané ni guiráʼ xixé binni (Salmo 9:18). Zuuyaʼ Reinu stiʼ Dios gapa guiráʼ binni ni iquiiñeʼ para guibánicaʼ nayecheʼ. Guiracaʼ zacaacaʼ ndaayaʼ pur dxiiñaʼ nadipaʼ ni gúnicaʼ (Isaías 65:21, 22).