•   «Biaʼ ti galaa de guiráʼ binni huaniisi ni nabeza Estados Unidos runi sentircaʼ nuucaʼ stúbicaʼ. Ca ni jma runi sentir zacá nga ca binni ni maʼ huaaniisi». (Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community [Informe de la máxima autoridad en salud pública de Estados Unidos sobre la soledad y el aislamiento], 2023).

•   «Maʼ gudixhe [Organización Mundial de la Salud] chuʼ ti grupu de binni ne dxiiñaʼ stiʼ ca binni riʼ nga gacanécabe binni para cadi guni sentir nuu stubi, purtiʼ maʼ cayaca ni ti guendahuará. Laaca zuni grupu riʼ dxiiñaʼ para gacanécabe binni guiziidiʼ risaca nga gapa xhamigu ne laaca zúnicabe dxiiñaʼ para gacanécabe binni de guiráʼ guidxi ni cadiʼdiʼ lu guendanaga ni caninu riʼ, gastiʼ naca pa ricu laacaʼ o pa pobre». (Organización Mundial de la Salud, 15 de noviembre de 2023).

 Rudii Biblia caadxi conseju galán para guiziidiʼ binni gapa amigu ni gacané laa.

 Cadi tan gúniluʼ cosa ni guxheleʼ lii de binni. Tobi de laacani nga ca red social ca, stale binni guidubi dxi maʼ nuu lúcani. Jma galán pa gúniluʼ xiixa ra zanda guidxaagaluʼ binni ne gápaluʼ amigu ni gacané lii.

•   Textu stiʼ Biblia: «Ni dxandíʼ xhamígunu la? guiráʼ ora nadxii laanu, ne zácabe bíchinu ora nápanu xiixa guendananá» (Proverbios 17:17).

 Biyubi modo zanda gacaneluʼ stobi. Ora rúninu xiixa ni galán para sti binni la? racané ni laanu gápanu xhamígunu ne racané ni laanu guni sentirnu galán ne chuʼnu nayecheʼ.

•   Textu stiʼ Biblia: «Jma nayecheʼ riuu binni ora rudii que ora ricaa» (Hechos 20:35).

 Biuu lu sitiu de internet stidu pa racaláʼdxiluʼ gánnaluʼ ximodo zanda gacané xcaadxi textu stiʼ Biblia lii para gápaluʼ xhamíguluʼ ni gacané lii.