Según ti estudiu ni guca lu guidubi guidxilayú, a pur cada tapa binni nuu tobi ni runi sentir nuu stubi.

•   «Biaʼ tiica iza napa binni ne intiica lugar nabeza zanda guni sentir nuu stubi o guixeleʼ de xcaadxi» (Chido Mpemba, copresidenta de la Comisión de la Organización Mundial de la Salud sobre Conexión Social).

 Guendaridxagayaa nga cadi ca binni si ni maʼ huaniisi o ca ni nabeza ca lugar ra huaxiéʼ nuu binni si nga runi sentircaʼ zacá, sínuque laaca runinani ca joven, ca ni qué gapa xiixa guendahuará, ca ni maʼ bichaganáʼ ne dede ca ni nabani galán ne ni napa guiráʼ ni caquiiñeʼ. Ora runi sentir tuuxa nuu stubi o rixeleʼ de xcaadxi la? zanda gueeda gaca huará ne gacaná xquendabiaaniʼ.

•   «Dxandíʼ, feu nga guni sentir binni nuu stubi, peru laaca malu ni [...]. Purtiʼ cásica zanda gueeda gati ti binni pa cubaʼ 15 gueza guiráʼ dxi ngueca nga ni zanda guizaaca tuuxa ni rixeleʼ de binni o runi sentir nuu stubi» (Vivek Murthy, director general de Salud Pública de Estados Unidos).

 Qué racalaʼdxiʼ Dios ni bizáʼ laanu guixélenu de binni. Ni racaláʼdxibe nga gápanu xhamígunu ni nadxii laanu ne ni chúʼnenu nayecheʼ.

•   Textu stiʼ Biblia: «De raqué guníʼ Jehová Dios: “Cadi galán di’ chuʼ hombre stubi si”» (Génesis 2:18).

 Racalaʼdxiʼ Dios gaca xhamígunu laa. Cayuni prometer Dios laanu zadxiña gaxha de laanu pa gúninu stipa chuʼnu gaxha de laa (Santiago 4:8).

•    Textu stiʼ Biblia: «Dichoso ca ni nanna caquiiñeʼ Dios, purtiʼ sticaʼ Reinu ni nuu guibáʼ» (Mateo 5:3).

 Racalaʼdxiʼ Dios guni adorarnu laa né xcaadxi binni. Ora rúninu ni la? riuʼnu jma nayecheʼ.

•    Textu stiʼ Biblia: «Naquiiñeʼ gucáʼ íquenu gacanésaanu ti guiale de ndaaniʼ ladxidoʼno gannaxhiisaanu ne gúninu cosa galán, ne cadi gusaana de chuunu ca reunión stinu [...]. Ni gúninu nga cúʼsaanu gana laanu» (Hebreos 10:24, 25).

 Pa racaláʼdxiluʼ gánnaluʼ xiñee nabé risaca guieeguluʼ xcaadxi binni ne cadi chuʼluʼ stúbiluʼ, biindaʼ artículo ni láʼ «Soledad en la era de la comunicación».