Nabé ridxiichi binni ora tuuxa ni gúpacabe confianza gucheené laacabe, casi:

•   Ca políticu ni qué ricá ique ni caquiiñeʼ binni, sínuque ni caquiiñesicaʼ.

•   Ca binni ni rutiidiʼ noticia ni cadi biaʼsi ne dxandí’.

•   Ca científicu ni qué ruyubi guni xiixa para gacané binni.

•   Ca xaíque yuʼduʼ ni jma ricá ique chuʼcaʼ lu política qué gúnicaʼ xhiiñaʼ Dios.

 Ne ni dxandíʼ la? caquiiñeʼ guiduʼyaʼ chaahuinu tu laa zanda gápanu confianza. Ndiʼ nga ni cayabi Biblia laanu:

•   «Cadi gápaluʼ confianza binni risaca, binni ni qué zanda gulá» (Salmo 146:3, Dios habla hoy, 1994).

 Cayabi Biblia laanu nuu ti binni ni zanda gápanu confianza: laabe nga Jesucristu. Cadi gúcasibe ti binni nachaʼhuiʼ ni bibani lu Guidxilayú riʼ raca stale iza. Ndiʼ nga ni ruzeeteʼ Biblia de Jesús: «Zuni mandarbe para siempre [...]. Qué zapa Reinu stibe fin» (Lucas 1:32, 33). Maʼ gulí Dios laabe para gácabe Rey, ne guni mandarbe lu Reinu stiʼ Dios. Ne yanna riʼ maʼ cayuni mandarbe dede guibáʼ (Mateo 6:10).

•   Para gánnaluʼ xiiñeʼ zanda gápaluʼ confianza Jesús, biindaʼ ca artículo riʼ «¿Tuu nga Rey lu Reinu stiʼ Dios?» ne «¿Xi chiguni Reinu stiʼ Dios?».