Nanna Jesús xi runi sentirnu ora runiná ca guendaquéiquiiñeʼ ca laanu. Purtiʼ laaca guníʼcabe ni cadi dxandíʼ de laabe, gudíñecabe laabe sin guzaabibe gastiʼ, cadi jneza biʼniʼ juzgárcabe ne biseguyoocabe laabe. Ne guizáʼ feu modo biiticabe laabe. Neca qué ñuni Jesús cosa malu peru guná guti «para gudii xquendanabani para guilá stale binni» (Mateo 20:28; Juan 15:13). Yanna maʼ nácabe Rey lu Reinu stiʼ Dios. Ne maʼ cadi candaa zunitilube guiráʼ guendaquéiquiiñeʼ ni nuu, ne zaca puru si ni jneza lu guidubi Guidxilayú riʼ (Isaías 42:3).

 Biblia cayabi laanu ximodo zabani binni ora maʼ cuee Jesús guiráʼ ca guendaquéiquiiñeʼ ni nuu:

•   «Maʼ qué ziuu binni malu; zuuyadxiluʼ ra guyuucaʼ ne maʼ qué guínnicaʼ raqué. Peru ca ni nadóʼ zacaacaʼ guidxilayú, ne zabánicaʼ nayecheʼ purtiʼ ziuu stale paz» (Salmo 37:10, 11).

 ¿Ximodo zanda gusihuínninu rudiʼnu xquixe peʼ Jesús pur ni maʼ biʼniʼ ne pur ni chiguni pur laanu yaʼ? Lu Lucas 22:19, gudxi Jesús ca xpinni guietenaláʼdxicaʼ guendaguti stibe. Nga runi guiráʼ iza, laadu, ca testigu stiʼ Jehová ridagulisaadu para guietenaláʼdxidu guendaguti stiʼ Jesús, casi peʼ biʼniʼ mandarbe gácani. Cayuni invitardu lii cheluʼ para guietenaláʼdxinu guendaguti stiʼ Jesús. Zácani domingu 24 de marzo de 2024.

Paraa zanda cheluʼ dxi Guietenaláʼdxinu guendaguti stiʼ Jesús