Nabé biaba nisaguié Bahía, ti guidxi ni nuu Brasil. Biaba nisaguié riʼ 24 hasta 26 de diciembre de 2021, cumu nabé ziáʼ nisa nga biaba la? gureza stale presa ne bilaahua stale lugar stiʼ guidxi riʼ. Ni bizaaca riʼ bininá ni jma de 640,000 binni.

• Qué ñacaná nin ti testigu stiʼ Jehová.

• Gupa xidé bisaana 273 Testigu lidxi caʼ.

• Gucaná 109 yoo.

• Gucaná 3 Yoo stiʼ Reinu.

• Guca ti Comité de Socorro para gudii laacabe nisa, guendaró ne lari.

• Ca Testigu ni gupa xidé bisaana lidxi, nabézacaʼ ne xfamilia caʼ o ra lidxi xcaadxi testigu.

• Guca guiráʼ labor de socorro riʼ, peru qué nusaana ca hermanu de ñápacaʼ laacaʼ de COVID-19.

Ti hermanu ni nuu lu Comité de Socorro ni láʼ Marcelo Ambrósio, guníʼ: «Ora bíʼyadu pabiáʼ nadxii ca hermanu, guizáʼ guluu ni gana laadu ne bicaa ni laadu quixhe íquedu cadi gusaana de gúnidu ni riuula’dxi’ Jehová».

Nanna dxíchinu «zeeda gaca Jehová ti lugar ra zanda guilá» ca hermanu stinu ni maʼ huayacaná pur ti desastre natural (Salmo 9:9).