Stale guidxi ni nuu lu Alianza Internacional por la Libertad Religiosa a (IRFBA, lu diidxaʼ inglés). Gudixhe íquecaʼ gúnicaʼ ti documentu 17 de diciembre de 2021. Luni canábacabe guiree guiráʼ ca testigu stiʼ Jehová ni deguyoo pur ca ni runi cré, ne maʼ cadi guninácabe laacaʼ, chichuucabe ra lídxicaʼ ne gúnicabe menu laacaʼ.

Jma de 150 testigu stiʼ Jehová nuseguyoocabe laacaʼ pur ca ni runi crecaʼ ndaaniʼ caadxi guidxi casi Crimea, Eritrea, Rusia, Singapur ne Tayikistán. Ca guidxi ni nuu lu Alianza Internacional por la Libertad Religiosa nuucaʼ xizaa purtiʼ ra zidiʼdiʼ dxi jmaruʼ si nadipaʼ modo canazanándacabe ca testigu stiʼ Jehová. Laaca guníʼcabe napa ca Testigu derechu gúnicaʼ ca reunión sticaʼ, guni predicarcaʼ sin chuʼ tu guchiiñaʼ laacaʼ, ne maʼ cadi sanándacabe o gúnicabe menu laacaʼ.

Riéchenu purtiʼ nuuruʼ gobiernu ni racalaʼdxiʼ gacané ne guni defender derechu ni nápanu para guni adorarnu Dios sin chuʼ tu guchiiñaʼ laanu. Nuunu seguru qué zusaana Jehová de gapa ca hermanu stinu ni canazanándacabe ndaaniʼ ca guidxi ca. Ca hermanu riʼ runi cré qué ziuu dxi gusaana Jehová de gudii laacaʼ paz (Isaías 26:3).