Ñee creacionista ca testigu stiʼ Jehová la?
Coʼ, cadi creacionista laadu. Neca runi credu Dios bizáʼ guiráʼ cosa, peru qué runi credu creacionismo. Xiiñeʼ yaʼ. Purtiʼ gadxé ni rusiidiʼ Biblia ne gadxé caadxi de cani runi cré ca creacionista. Guidúʼyanu chupa de laacani.
Biaʼ bindaa xhoopaʼ gubidxa bizáʼ Dios guiráʼ cosa. Nuu caadxi creacionista nacaʼ veinticuatro hora bindaa cada dxi biquiiñeʼ Dios para bizáʼ guiráʼ cosa. Peru ora rieeteʼ diidxaʼ dxi ndaaniʼ Biblia caníʼ ni ti tiempu de stale iza (Génesis 2:4; Salmo 90:4).
Biaʼ iza napa Guidxilayú. Nuu xcaadxi creacionista runi crecaʼ deruʼ chupa chonna mil iza napa Guidxilayú. Peru Biblia na maca bizáʼ Dios guibáʼ ne Guidxilayú ante iquiiñeʼ xhoopaʼ gubidxa para guzáʼ guiráʼ cosa (Génesis 1:1). Nga runi, laadu ca Testigu, runi credu ora riníʼ ca científicu zándaca napa planeta stinu mil millón de iza.
Ca testigu stiʼ Jehová runi credu nuu tu bizáʼ guiráʼ cosa ne qué rinidu cadi biaʼsi ni rusiene ciencia. Nanna dxíchidu biaʼsi ni rusiidiʼ Biblia né ni maʼ bidxela ca científicu.
Laaca zándaca ziuuláʼdxiluʼ ca ndiʼ
CANI RINABADIIDXAʼ BINNI DE BIBLIA
¿Ñee biaʼsi nga ni ná Biblia ne ni rusiidiʼ ciencia la?
¿Ñee zanda guni creluʼ guiráʼ ni rusiidiʼ ciencia la?
CA COSA RISACA RUSIIDIʼ BIBLIA
¿Ñee guyuu tu bizáʼ universu la?
Nuu biaje qué riene chaahuiʼ binni ni ruzeeteʼ Biblia de modo guyáʼ guiráʼ xixé ni nuu o riníʼcabe cadi dxandíʼ ni. ¿Zanda guni crenu ni rusiidiʼ Biblia la?
TU LAADU
Gunabaʼ chigánnacabe lii
Biiyaʼ ximodo zanda guicabi Biblia xiixa pregunta nápaluʼ o binibiaʼ chaahuiʼ ca testigu stiʼ Jehová.